دهۆك و ئاكرێ د دێربیێ كوردستانێ دا و زاخۆ مێڤانا سیروانه
ئه‌ڤرۆ،
دهێته چاڤه‌ڕێ كرن ئه‌ڤرۆ ل ده‌مژمێر دو پشتی نیڤرۆ سێ یاریێن مایی ژ هه‌ڤڕكیێن گه‌ڕا 12ێ یا خولا ته‌پا پێی یا كوردستانێ بۆ یانه‌یێن پلا نایاب بهێنه ئه‌نجامدان، د یاریه‌گه‌ها خوه دا دهۆك دێ مێڤانداریا یانه‌یا ئاكرێ د دێربیێ كوردستانێ دا كه‌ت و زاخۆ دێ بیته مێڤانا یانه‌یا سیروانی نوو.
تیما یانه‌یا دهۆك ئه‌و ب ئاست و ئه‌نجامێن لاواز دێ بۆ قه‌ره‌بوو و ڤه‌گه‌ڕاندنا سه‌ركه‌فتنان ئه‌وا ئه‌ڤه شه‌ش حه‌فتیه تام نه‌كریه سه‌ركه‌فتنان، دووماهی سه‌ركه‌فتنا دهۆكێ ل حه‌فتێ هه‌یڤا بوری بوو، دهۆك ب 10 خالان ژ سێ سه‌ركه‌فتن، وه‌كهه‌ڤیه‌ك و شه‌ش خوساره‌تیان رێزا 14ێ و به‌ری دووماهیێ دهێت، به‌روڤاژی وێ یانا ئاكرێ ئه‌وا ئه‌نجامێن وێ باشتر لێهاتین و شیایی 14 خالان كۆمبكه‌ت و رێزا هه‌شتێ بهێت دێ ب زاخه‌كا بلند هێته دناڤ یاریێ دا، لێ ئارمانجا راهێنه‌رێ دهۆكێ ئاشتی مسته‌فا دێ سێ خال بن و ڤه‌گه‌ڕاندنا زلهێزیا دهۆكێ د خولێ دا.
ژلایه‌كێ دووڤه تیما یانه‌یا زاخۆ دێ ل باژێرێ سلێمانیێ بیته مێڤانا یانه‌یا سیروانی نوو د تاقیكرنه‌كا ب هێز دا، كورێن خابووری ئه‌وێن سێ سه‌ركه‌فتن، چار وه‌كهه‌ڤی و سێ خوساره‌تی هه‌ین 13 خال كۆمكرینه و رێزا نه‌هێ دهێت، ژلایێ خوه‌ڤه خودانێن ئه‌ردی سیروانی نوو ب 12 خالان رێزا 11ێ دهێت، ئه‌ركێ تیما زاخۆ د ڤێ یاریێ دا ب سانه‌هی نابیت لێ ب هیڤیی یه به‌رده‌وامیێ ب ده‌ته ئه‌نجامێن باش.
