دهۆك و راهێنه‌رێ وێ هاتنه سزادان و هوشدارى بۆ جه‌ماوه‌رى
ئه‌ڤرۆ نيوز:
ئه‌ڤرۆ كۆمبوونا ئێكه‌تيا ته‌پا پێ يا كوردستانێ هاته كرن و تێدا چه‌ند بڕيار و راسپارده دان و ژ گرنگترين وان راسپاردان ژى راهێنه‌رێ يانا دهۆك سزا دا.
ژ ئه‌گه‌رێ ده‌ركه‌فتن ژ گيانێ وه‌رزشى د ياريا خوه يا ل گه‌ل يانا ئارارات ژ چارچۆڤێ ياريێن گه‌را هه‌شتێ ژ قووناغا دويێ يا خولا نايابا كوردستانێ، راهێنه‌رێ يانا دهۆك حازم سالح هاته سزادان.
ب گۆره‌يى راپۆرتا حه‌فتيانه يا ئێكه‌تيا ناڤه‌ندى يا ته‌پا پێ ئه‌و بۆ دو ياريێن بهێت ل گه‌ل تيما خوه نابيت و دێ ب 250 هزار ديناران ژى هێته غورامه‌كرن. دێ بۆ جارا دووماهيێ ژى هێته ئاگه‌هداركرن هه‌كه ڤان ره‌فتاران دووباره بكه‌ت دێ سزا گرانتر بن.
هه‌ر د ڤێ راپۆرتێ دا هۆشداريا دووماهيێ ژى بۆ يانا دهۆك بۆ كۆنترۆلكرنا ياريگه‌هـ و جه‌ماوه‌رێ وێ و غورامه‌كرنا يانێ ب 300 هزار ديناران و ل داهاتى هه‌كه جه‌ماوه‌رى كۆنترۆل نه‌كه‌ت دێ سزا گرانتر بن.
