دهۆك و زاخۆ دێ مێڤانداریا شێروانه و برایه‌تی كه‌ن
ئه‌ڤرۆ، زنار زوبێر:
دهێته چاڤه‌ڕێكرن سوبه‌هی و دو روژێن دووڤدا ده‌ست ب هه‌ڤڕكیێن گه‌ڕا شه‌شێ ژ خولا پلا نایابا كوردستانێ یا ته‌پا پێی بهێنه ئه‌نجامدان، هه‌ردو یانێن پارێزگه‌هێ تیما یانا دهۆك و یانا زاخۆ دێ یاریێن خوه دناڤ ئه‌رد و جه‌ماوه‌رێ خوه دا كه‌ن.
ل رۆژا پێنچ شه‌مبی تیما یانا زاخۆ دێ مێڤانداریا یانا برایه‌تی كه‌ت، كوڕێن خابووری پشتی سه‌ركه‌فتنا بوری شیایه ب هه‌شت خالان رێزا شه‌شێ بهێت و دێ بزاڤێ كه‌ت دناڤ ئه‌ردێ خوه دا و پشته‌ڤانیا جه‌ماوه‌رێ خوه به‌رده‌وامیێ بده‌ته سه‌ركه‌فتنان، لێ یانا مێڤان ئه‌وا ب پێنچ خالان رێزا 13ێ دهێت تیمه‌كا ب سانه‌هی نابیت و دێ هه‌موو بزاڤا كه‌ت ب ئه‌نجامه‌كێ باش ده‌ركه‌ڤیت.
ژلایێ خوه‌ڤه یانا دهۆكێ ل رۆژا ئه‌ینی دێ مێڤانداریا یانا شێروانه كه‌ت، تیما دهۆكێ دێ ب ئارمانجا قه‌ره‌بوویا یاریا بوری كه‌ت ئه‌وا ل گه‌ل سه‌یدسادق تووشی خوساره‌تیێ بووی، خودانێن ئه‌ردی ب نه‌هـ خالان رێزا پێنجێ دهێت و شیروانه ئه‌وا ل گه‌ل زاخۆ خووساره‌ت بووی ب پێنچ خالان رێزا 12ێ دهێت.
ژ یاریێن دی بۆ رۆژا چارشه‌مبی ئارارات- سیروانی نوو، ده‌ربه‌ندیخان- پێشمه‌رگا هه‌ولێرێ، رۆژا پێنچ شه‌مبیێ، هندرین – سۆران، چه‌مچه‌مال هه‌لۆ، بۆ رۆژا ئه‌ینی، هه‌ولێر- نه‌وروز، شه‌قلاوه – سه‌ید سادق، بۆ زانین هه‌موو یاری دێ ل ده‌مژمێر 2:30 پشتی نیڤرۆ هێنه ئه‌نجامدان.
