دهۆك و زاخۆ دێ په‌ردێ ل سه‌ر خولا كوردستانێ ڕاكه‌ن
ئه‌ڤرۆ، زنار زوبێر:
دهێته چاڤه‌ڕێ كرن پێنچ شه‌مبی و ئه‌ینیا بهێت ب پشكداریا 16 یانا ژ پارێزگه‌هێن دهۆك، هه‌ولێر و سلێمانی هه‌ڤڕكیێن وه‌رزێ نوو یێ خولا پلا نایابا كوردستانێ یا ته‌پاپێی بهێته ئه‌نجامدان، نوونه‌رێن پارێزگه‌هێ دێ ب هیڤیێن پشكداریه‌كا سه‌رفه‌راز و پشتبه‌ستن ب یاریزانێن نافخۆ و گه‌نج په‌ردێ ل سه‌ر خولا كوردستانێ ڕاكه‌ن ئه‌وێن دێ یاریێن وان ده‌مژمێر سێ ئێڤاری هێنه كرن.
رۆژا پێنچ شه‌مبی چار یاری دێ هێنه كرن و بڤی ره‌نگی، ل یاریگه‌ها ده‌لال تیما یانا زاخۆ دێ مێڤانداریا یانا هه‌ولێرێ كه‌ت ئێك ژ گرنترین یاریێن ڤێ گه‌ڕێ كو دهێته هژمارتن دێربیێ كوردستانێ، ژلایێ خوه‌ڤه ده‌ربه‌ندیخان دێ بیته مێڤانا برایه‌تی، هه‌ردو تیمێن نوو هاتینه دناڤ خولا پلا نایاب دا هه‌لۆ دێ شه‌قلاوه مێڤان كه‌ت، نه‌وروز و پێشمه‌رگه‌یێ هه‌ولێرێ دی ل سلێمانیێ هه‌مبه‌ری ئێك بن.
ل رۆژا ئه‌ینی چار یاریێن دی هینه كرن، یانا دهۆك د پێنگاڤا ئێكێ دا مێڤانداریا هندرین كه‌ت، سیروانی نوو دێ بیته مێڤانا سۆران، ئارارات ل كه‌لار دێ هه‌مبه‌ری شێروانه بیت، سه‌ید سادق ئێك ژ تیمێن نوو هاتیه دناڤ خولێ دا دێ مێڤانداریا چه‌مچه‌مال كه‌ت.
