دهۆك و زاخۆ نێزیكی ناسناڤی نە
حاجی دوسكی
كۆپا ئَێراقێ گرنگییەكا تایبەت هەیە لدەڤ پترییا یانەیێن پشكدار د خولێن فێدراسیونا فوتبۆلا ئیراقێ دا، ئەڤە دبیتە دەرفەت بوو وان یێن نەشیان رێزێن دەسێكێ و ناسناڤێ خولا ئیراقێ دەستڤەبینن كو دبیتە كورترین رێكە یانەیەك ببیتە خودان ناسناڤ د وەرزەكی دا، دیسان دەلیڤەیەك بۆ قارەمانا كۆپایێ دروست دبیت پشكداریێ د قارەمانیین دەرڤە بیت، پترییا جەماوەرێ كوردستانێ چاڤەرێنە تایبەت دەڤەرا بەهدینان، یانەیێن دهۆك و زاخۆ گەهشتینە قۆناغا هەشتێ هەردو و دێ سوبەهی دناڤ ئەرد و جەماوەرێ خوە كەن، زاخۆ بەرامبەر نەوروز و دهۆ ك بەرامبەر مینا، ئەگەر لدووڤ ڕێزبەندیێ بچین یادیارە دهۆك و زاخو ژ هەردو ژ هەڤركێن خۆ باشترن لێ دڤێت ستافێ راهێنەرێن هەردو یانەیا ئاكەهییەكا باش هەبیت پشت بەستنێ ل سەر وێ رێزبەندیی نەكەن یا خولا ستێرێن ئیراقێ بدەستڤەئیناین، یانەیا زاخۆد نوكە دا دباشترین روژێن خودایە هژمارەكا هەرە باش یا یاریزانا ل بەر دەستە راهێنەرەكێ خودان ئەزمون هەیە ئەوژی عەبدولغەنی شەهەد د وەرزێ 2024-2025پترییا یانەیان یاری ل یاریگەها زاخۆ ئەنجامدای تووشی دوراندنێ بووینە وەك شۆرتە و جەویە، زاخو نێزیكە بۆ چارگوشەیا زێری، لێ ڤێت یاریزان دلسوزییا خو دیاربكەن بۆ جەماوەری بزانن كارگێریی چەند زەحمەت برییە هەروسا حكومەتێ هیچ كێماسی نەكریە تایبەت ژلایی داریی ڤە.
ژلایێ خوەڤە ئەلهۆیێن چیا دەلیڤەكا باش هەیە دەربازبیت راستە پشتی دەستڤە ئینا ناسناڤێ كەنداڤی ئاست وئەنجام ئێكجاری هاتنە گوهۆڕین پشتی چوونا مێرالی ژیانا دهوك ئێدی ئەو یاریێن جەماوەری هەستپێكر دێ سەركەڤن بەروڤاژی ئەنجام هاتن جەماوەر زور دلگران بوو ل سەر دەمێ هاتنا كاپتن ئەمیری راهێنەرێ خەلكێ كوردستانا روژ هەلات وەكۆ بووچوونا كەسوكی راهێنەر ئەمیر نەبەرپرسی سەرەكی بوو ژوان ئەنجامان وەكو دیار ڤی راهێنەری تیمەكا ماندی وەرگرت فشارەیا كرنا یارییا لسەر ئێك ئەو دەرفەت نەبوو بشێت وێ فشارێ كێم كەت، لێ هاتنا راهێنەر سلێمان رەمەزان هیڤیەك جارەكا دی بۆ جەماوەری دروست بو دەربازبن بو یارییا چار گوشا زێری دڤێت یاریزانێ دهۆكێ دروستێ هەست بەرپرسیارەتیا خو بكەن بزانن ئەركێ وان برنا ناسناڤی كەنداڤی دووماهیك نەهاتیە بەروڤاژی ئەرك مەزتر لێ هات.
