دهۆك و پۆلیتەكنیك جهێ خوە ل پلا نایاب پاراستن
شاهۆ فەرید:
هەردو یانەیێن دهۆك و پۆلیتەكنیك مانا خوە ل خولا پلا نایابا ئیراقێ بۆ یارییا تێنسا ل سەر مێزێ پاراستن، پشتی رێزێن چارێ و پێنجێ د رێزبەندییا گشتی یا دەڤەرا هەرێما كوردستانێ هاتین، ئەوا یانەیا سۆلاڤ ب ناسناڤێ وێ هاتییە خەلاتكرن، د هەڤڕكیێن واندا ئەوا دوهی ژ چارچووڤەیێ خولا نایاب ئیراقێ ل هۆلا زانكۆیا دهۆكێ هاتنە ئەنجامدان، تێدا سەرجەمێ هەشت یانەیان پێنج یانەیان پشكداری كر بۆ سێ یانەیان ژبەر چەند ئەگەران خوە ڤەكێشان ژ قارەمانیێ ئەوا بۆ ماوەیێ دو رۆژا هەموو یاریێن وێ ب شێوەیێ خول ئێك قۆناغ هاتنە ئەنجامدان، رێز بەندیا گشتی یا قوناغا ئێكێ بڤی شێوەیی یە:
سۆلاڤ رێزا ئێكێ دهێت، ئاشتی رێزا دویێ، هەولێر یا سێیێ، دهۆك و پۆلیتەكنیك ل رێزێن چارێ و پێنجێ ل دووڤ ئێك هاتن، بڕیارە ل ژڤانەكێ دی بهێتە دیار كرن بۆ قۆناغا دویێ ئەوا دێ هەرپێنچ یانە دێ یاریێ بەرانبەر یانەیێن ناڤەڕاست و باشۆرێ ئیراقێ بن.
ل دور ڤێ یەكێ عەلی موستەفا ئەندامێ فیدراسیۆنا تێنسا مێزێ یا ئیراقی بۆ رۆژنامەیا ئەڤرۆ دیاركر گۆت: ب شێوەكێ گشت قارەمانی ل پارێزگەهێ ب سەركەفتیانە و ڕێكخستی هاتبوو بڕێڤەبرن، هەڤڕكیێن دژوار دناڤبەرا یانەیان هەبوو، هژمارەیا یانەیێن پشكدار هەشت بوون لێ سێ یانەیان خوە ڤەكێشان، ئەو هەر پێنج یانەیێن مایی دێ ل قۆناغا دویێ كەڤنە بەرانبەر یانەیێن ناڤەڕاست و باشۆرێ ئیراقێ، هەردو یانەیا دهۆك و پولیتەكنیك مانا خوەد خولا نایابا ئیراقێ دا پاراستن.
