دهێتە پێشبینی کرن ئەڤ سالە پتر ژ سالا بوری گەنم ل ئاکرێ بهێتە چاندن
ئه‌ڤرۆ نیۆز،ره‌مه‌زان هه‌رنى :
رێڤه‌به‌رێ چاندنێ ل قه‌زا ئاكرێ خویاكر، ل سنورێ قه‌زا ئاكرێ ئه‌رده‌كێ به‌رفره‌ه هه‌یه بۆ چاندنێ و سالانه پتریا وى ئه‌ردى دهێته كێلان بۆ مه‌به‌ستا چاندنا گه‌نمى و جەهى سال بۆسالێ ئه‌ڤ رێژه پتر دهێته چاندن.
ئه‌حمه‌د جه‌میل رێڤه‌به‌رێ چاندنێ ل قه‌زا ئاكرێ بۆ ئه‌ڤرۆ نیۆز دیاركر، ژبه‌ر باشیا ئه‌ردێ چاندنێ ل ئاكرێ جوتیارێن ده‌ڤه‌رێ سالانه رێژه‌كا باش یا گه‌نمى دچینن و گه‌نمێ ئاكرێ ژى رێژەکا باش ب ده‌ست خوڤه دئینیت ل ده‌مێ فروتنێ ل سایلویان رێژا چاندنا گه‌نمى سال بۆ سالێ زێده‌تر دبیت و پێشبینى دكه‌ین ئەڤ سالە پتر ژ پار سال گه‌نم بهێته چاندن ل سنورێ قه‌زا ئاكرێ و جوتیارێن ده‌ڤه‌رێ چاڤه‌رێ بارانه‌كێ دكه‌ن بۆ كێلانا ئه‌ردێ خوه.
رێڤه‌به‌رێ چاندنا قه‌زا ئاكرێ ئاشكرا كر ژى،پێشبینى دكه‌ین ئه‌ڤ ساله 114 هزار دونه‌مێن ئه‌ردى بۆ گه‌نمى بهێنه چاندن سال بۆ سالێ رێژا چاندنێ زێده‌تر دبیت ل دووڤ به‌رنامه و شیانێن رێڤه‌به‌ریا چاندنێ هاریكاریان ل ده‌مێ كێلانا ئه‌ردى و دروونێ ژی ل سه‌ر جوتیاران به‌لاڤ دكه‌ین.
