ده‌رباره‌ی داخویانیا هه‌ڤپه‌یمانیا ئۆپۆزسیۆنا سووریێ

ده‌رباره‌ی داخویانیا هه‌ڤپه‌یمانیا ئۆپۆزسیۆنا سووریێ

97

رۆژا ٢٧ هزێرانێ ٢٠١٥ هه‌ڤپه‌یمانیا نشتمانی بۆ هێزێن شۆره‌ش و ئۆپۆزسیۆنا سووریێ داخویانیه‌ك به‌لاڤكر، د داخویانیا خوه‌ ده‌ ئاماژه‌یێ ب كۆچبه‌ركرنا ئه‌ره‌بان ژ ناڤچه‌یا گرێ سپی دكه‌ ل سه‌ر ده‌ستێ شه‌رڤانێن كورد و د بێژه‌ كو وان شه‌رڤانان ب گه‌له‌ك ئاوایان كریارێن خراب ل دژی ئه‌ره‌ب و تركمانێن وێ ناڤچه‌یێ كرنه‌ و ئه‌و نه‌چار كرنه‌ كو ژ مالێن خوه‌ كۆچبكن و ژ ده‌ڤه‌رێ ده‌ركه‌ڤن.
داخویانی به‌هسا كۆمیته‌ك لێكۆلینێ دكه‌ كو ب مه‌به‌ستا ناسكرنا راستیان چوویه‌ و گهایه‌ ڤان راستیان كو YPG و شه‌رڤانێ ل گه‌ل وێ توهمه‌تبار دكه‌ ب “خوارنا گه‌فان، دزیا مال و ملكێن خه‌لكێ و نڤساندنا دورشمێن ل دژی ئه‌ره‌بان ل سه‌ر دیواران…هد”
و د داویا داخویانیا خوه‌ده‌ دۆزا كۆمیته‌ك لێكۆلینان ژ جڤاتا ناڤده‌له‌تی دكه‌ ژبۆ ئه‌شكه‌ره‌كرنا راستیان؟!
ئه‌ڤ كۆمیتا كو هه‌ڤپه‌یمانی به‌هسا وێ دكه‌ هاتیه‌ هۆلێ پشتی كو هه‌ڤپه‌یمانیێ ب خوه‌ شه‌رڤانێن كورد توهمه‌تبار كربوو، هه‌تا به‌ری به‌هسا كۆمیتێ ژی ببه‌؟!! ژ ئالیه‌كی دنڤه‌ ئه‌ڤ داخویانیا بێ ره‌وشت تێ مه‌یدانێ و هینا خوینا شه‌هیدێن كاره‌سه‌تا كۆبانێ ل سه‌ر زه‌مینێ زوهانه‌بوویه‌؟؟
ب ڤێ داخویانیێیا كو د هه‌مان ده‌مێ ده‌ ل گه‌ل داخویانی و هه‌لوێستا ده‌وله‌تا تركیێ و هن ئه‌ره‌بێن شۆفینی و هن ئالیێن خوه‌فرۆش و كولتێرخور ژ ئالیێن ئۆپۆزسیۆنێ تێ مه‌یدانێ.
هه‌ڤپه‌یمانیا كو ژ ناڤێ وێ پێڤه‌ تشته‌كی وێ ل سه‌ر خاكا سووریێ نه‌مایه‌، ره‌وشتێن خوه‌ژی فرۆتن ب په‌ره‌یان.
ئایا تێ چ واته‌یێ كو هه‌ڤپه‌یمانی داخویانیێن خاڤ ده‌ربارێ كۆمكوژیێن داشێ ل دژی كوردان و كۆچبه‌ركرنا كوردێن ره‌قایێ دده‌ د هه‌مان ده‌ما كو شه‌رڤانێن كورد ب توهمه‌تێن بێ به‌لگه‌ توهمه‌تبار دكه‌؟
واته‌ ئه‌وه‌ كو دیاره‌ داشێ رێخستنا له‌شگه‌ریه‌ ژ هن باسكێن ئۆپۆزسیۆنا سووریێ ره‌ یان ئه‌و ئالیێن كو خوه‌ وه‌ك ئۆپۆزسیۆنێ دبینن.
ئه‌ز به‌رگریێ د به‌ر تاوانان ده‌ ناكم كی پێ رابوو به‌ گه‌ره‌ك بێ گۆتن و دیار كرن، لێ ده‌ما ئالیه‌كی سیاسی چاڤ و ده‌ڤێن خوه‌ ل سه‌ر كریارێن ئالیه‌كی بگره‌ و ئالیه‌كی دن ب شه‌ڤ و رۆژ توهمه‌تبار بكه‌ د ده‌مێن هه‌ستیار ده‌، ب مه‌به‌ستا ئافراندنا فتنه‌یێ، ئه‌ڤ دبه‌ هه‌لوێسته‌كه‌ سیاسی ئه‌شكه‌ره‌.
هه‌گه‌ر شه‌رڤانێن كورد ئه‌ره‌بان دكوژن وه‌ك داخویانیا هه‌ڤپه‌یمانیا سووریێ دبێژه‌ ئایا چاوا ب سه‌د هه‌زاران ئاواره‌ ژ ته‌مامی سووریێ ل هه‌سه‌كێ، قامشلۆ و ئه‌فرین دژین؟؟
ئه‌ز ڤێ پرسێ ئاراسته‌یی هه‌ر كه‌سه‌كی خوه‌دی ره‌وشت و نشتمانپه‌روه‌ر دكم.
ئێریشێن داشێ بۆ سه‌ر كۆبانێ و هه‌سه‌كێ، داخویانیا خوه‌فرۆش و كولتێرخوران و هن كریارێن دن لیسكه‌ك قرێژه‌ و خوه‌شكرنا رێیه‌ ژبۆ پێكانینا هن پلانێن ده‌وله‌تا تركیێ كو ئه‌شكه‌ر دبێژه‌ و ل سه‌ر ده‌ڤێ ئه‌ردۆغان “ئه‌م ناهێلن ده‌وله‌ته‌ك كوردی ل باشوورێ تركیێ بێ ئاڤاكرن هه‌گه‌ر قه‌له‌ن چبه‌ ژی. ”
دیاره‌ بێ تركیێ ل به‌شه‌كی ژ ئاخا كوردستانێ و باكورێ سووریێ دنه‌ره‌ وه‌ك (باشوورێ تركیێ) و هه‌ڤپه‌یمانیا ئۆپۆزسیۆنا سووریێ ژی یه‌ده‌كێ دژمنێ مله‌تێ سووریێیه‌.

کۆمێنتا تە