ده‌رمانه‌كێ عه‌جێب” مه‌ترسیا مرنێ ل ده‌ڤ دانعه‌مران كێم دكه‌ت
ڤه‌كولینه‌ك پشتی ل سه‌ر كه‌سێن 60 سالی هاتیه‌كرن دیاربوو ئه‌و كه‌سێن ده‌رمانێ ( ستاتین) وه‌كو رێیه‌ك بۆ خۆپاراستنێ ژ نه‌خۆشیێن دلی و ده‌مارێن خوینێ ب كاردئینن، ئه‌وی ده‌رمانی روله‌كێ باش د خوپراستنێ دا ژ وان نه‌خۆشیان و مرنێ ل ده‌ڤ دانعه‌مران كێم دكه‌ت.
ئه‌و ڤه‌كولینا ل كوڤارا Annals of Internal Medicine هاتیه به‌لافكرن دیاردكه‌ت كو ستاتین مه‌ترسیێن تووشبوونێ ب نه‌خۆشیێن دلی و ده‌مارێن خوینێ و مرنێ ل ده‌ڤ كه‌سێن 60 سالیێ و پێهه‌لی كێم دكه‌ت و هه‌تا بۆ كه‌سێن 85 سالی ژی یێ ب سلامه‌ته.
ستاتین، كو ب ده‌رمانێ عه‌جێب دهێته ب ناڤكرن، ئێك ژ ده‌رمانێن كێمكرنا چه‌وریانه و ئاستێ كولیسترولی ژی د خوینێ دا كێم دكه‌ت و ئه‌ڤ ده‌رمانه یكاردكه‌ت بۆ چالاككرنا ئه‌نزایمێ HMG-CoA reductase ئه‌وێ روله‌كێ باش د به‌هه‌مئینانا كولیسترولی د جگه‌رێ دا هه‌ی.
ڤه‌كوله‌رێن زانكۆیا هونگ كونگ ڤه‌كولینه‌ك ل سه‌ر كه‌سێن 60 سالی كر ئه‌وێن تووشی نه‌خۆشیێن دلی بووین و ده‌رمانێ ستاتین ب كارئینای و دیاربوو كو سه‌ره‌رای پاراستنا وان ژ سه‌رباركێن نه‌خۆشیێن دلی، چو مه‌رترسی ژی ل سه‌ر ژیانا وان په‌یدانه‌كرن.
