ده‌روونناسه‌ك:گڤاشتنێن ده‌روونی فشارێ ل سه‌ر له‌شی زێده‌دكه‌ن
دهۆك، شڤان لقمان:
ده‌روونناس هوزان صالح رشید ، دیاركر هەموو مرۆڤ ژیانا خوه یا رۆژانه دا تووشی هنده‌ك كاودان و ئاریشا دبن، چ ئاریشێن خێزانی بن یان یێن كاری یان هزركرن دپاشه‌روژێدا یان ژده‌ستدانا كه‌سه‌كێ خوشتڤی یان ژروتینیا روژانه.
هوزان صالح رشید، خویاكر سه‌ره‌ده‌ریا مروڤان یا جێوازه ده‌مێ سترێسێ دا و ئه‌ڤه‌ژی ل سه‌ر چه‌ندین ئه‌گه‌ران دراوستیت و گۆت: توندیا ڤی كاودانێ نه‌خوش و دمینیت ل سه‌ر كا چه‌ند كاودانێن نه‌خوش ب سه‌ری هاتینه، دبیت مروڤ تووشی گه‌له‌ك نه‌خوشیا ببیت د ئێك ده‌م دا و ئه‌و ماوێ ئه‌ڤ نه‌خوشیه ڤه‌دكێشیت، هنده‌ك نه‌خوشی ماوه‌كێ كورت دمینن و هنده‌ك گه‌له‌ك ده‌می ڤه‌دكێشن، وه‌كی ژده‌ستدانا كه‌سێن خۆشتڤی.
دورووناسێ دازانین گڤاشتنێن ده‌روونی كارتێكرنه‌كا مه‌زن دكه‌نه سه‌ر ساخله‌میا ده‌روونی و له‌شی وه‌كی زێده‌بوونا لێدانێن دلی و و تێكچوونا مه‌عیده‌ی و دودلی و خه‌موكی و ژ ده‌ستدانا هێزێ و هزركرنه‌كا زور و تۆره‌ی و گۆت: گه‌له‌ك جار ئه‌م دبینین ئه‌و كه‌سێن كو دژیانا خودا سترێسه‌كا مه‌زن هه‌ی ئاستێ توره‌بوونا وان بلندتره ژ كه‌سێن دیتر ، ستریێس كارتێكرنێ ل په‌یوه‌ندیێن مرۆڤی دكه‌ت چ دگه‌ل خێزانێ یان دژیانا هه‌ڤژینیێ دا، چونكی ده‌مێ كه‌سه‌ك ل ژێر ڤشاره‌كا مه‌زن بیت حه‌زا وی كێم دبیت ل سه‌ر دانوستاندنێ دگه‌ل كه‌سێن دی یان بوراندنا ده‌می دگه‌ل وان.
ل دووماهیێ هوزان صالح رشید، دەروونناس دیاركر هنده‌ك كار هاریكارن ل ده‌مێ تووشی گڤاشتنێن دەروونی دبن پێدڤیه ئه‌نجامبده‌ن و گۆت: ئه‌نجامدانا وه‌رزشێ كاریگه‌ریه‌كا باش هه‌یه ل سه‌ر ده‌روونێ وان كه‌سان یان ئه‌نجامدانا هه‌ر به‌هره‌یه‌كا تو حه‌ز ژێ بكه‌ی، چونكی گه‌له‌ك جاران ده‌مێ مه ئاریشه و سترێس هه‌بن ئه‌م ژ وان تشتا دووردكه‌ڤین یێن ئه‌م حه‌ز ژێ دكه‌ین، هه‌روه‌سا خوارنه‌كا ساخله‌م و پاراستنا په‌یوه‌ندیا خوه دگه‌ل كه‌سێن نێزیكی خوه و باخڤه و به‌حسێ ئاریشێن خوه بكه داكو ئه‌و د بارودوخێ ته بگه‌هیت و نه‌بنه بارگرانی بۆ ته و ئه‌گه‌ر ئه‌و سترێسا تو تووشبوویی یا تۆند بیت و تو نه‌شیایی بگوهۆری یا باشتر ئه‌وه تو سه‌ره‌دانا بسپوره‌كێ ده‌روونی بكه‌ی دا كو هاریكاریا ته بكه‌ت بو قورتالبوون ژ ڤێ فشارێ.
