ده‌زگه‌هێ خانی ل سته‌مبولێ د سه‌ره‌دانه‌ك میدیایی دا
تێكهه‌لیێن ره‌وشه‌نبیری و میدیایی ده‌رگه‌هێن نوو ل مرۆڤی ڤه‌دكه‌ن و پتر شاره‌زایا كاری ل جه‌م مرۆڤی په‌یدا دبیت. ب تایبه‌ت سه‌ردان بۆ ده‌زگه‌هێن میدیایی ل توركیا كو خودان سه‌ربۆره‌ك مه‌زن و پرۆفیشنالن.
ب هاریكاریا رێڤه‌به‌رێ رادیۆیا ده‌وران به‌رێز (بنیامین) و رێڤه‌به‌رێ خاندنگه‌ها (عشق) ده‌زگه‌هێ خانی یێ ره‌وشه‌نبیری و راگه‌هاندنێ هاته داخوزاكرن كو سه‌ره‌دانا چه‌ندین ده‌زگه‌هێن راگه‌هاندن و ره‌وشه‌نبیری ل سته‌مبۆلێ بكه‌ین.
بۆ ڤێ سه‌ره‌دانێژی به‌رپرسێ ده‌زگه‌هێ خانی یێ ره‌وشه‌نبیری و راگه‌هاندنێ به‌رێز (مه‌حفۆز مایی) و سه‌رنڤیسه‌رێ كۆڤارا سڤۆره (سه‌لام بالایی) هاتن ڤه‌خواندن. ئه‌ڤ داخوازیه ل رێكه‌فتی 25 ـ 1 ـ 2015 ده‌ستپێكر هه‌تا 29 ـ 1 2015 پرۆگرامی هه‌ر ژ جزیرێ ده‌ستپێكر ب سه‌ره‌دانا گۆرێ مه‌لایێ جزیری و كه‌لا جزیرێ و گۆرێن مه‌موزینان. ل 26ـ 1ـ 2015 ل سته‌مبۆل مه سه‌ره‌دانا چه‌ندین ده‌زگه‌هێن میدیایی كر و مینا رۆژناما (بوگه‌ن) ئانكو ئه‌ڤرۆ و زه‌مان و تی ڤیا بوگه‌ن یا ئه‌خباری و ژ لایێ رێڤه‌به‌رێ گشتی یێ وی ده‌زگه‌هیڤه به‌رێز(د. محه‌مه‌د یه‌لماز)ڤه هاتین پێشوازیكرن و به‌رپرسێ ده‌زگه‌هێ خانی چه‌ندین تیرۆژ به‌ردانه سه‌ر ره‌وشا ئه‌ڤرۆ یا كوردستان تێدا دبۆریت و ڤی شه‌رێ دژی تیرۆرێ یێ ئه‌ڤرۆ پێشمه‌رگه‌هێ قاره‌مان دكه‌ت و دیسا رۆلێ راگه‌هاندنێ دڤان بۆیه‌ران دا. پاشان ل سه‌ر چه‌ندین بابه‌تێن دی یێن هه‌ڤكاری و هه‌ماهه‌نگیا میدیایی د ناڤبه‌را ده‌زگه‌هێ خانی و ڤان كه‌نالاندا هاته كرن.
ئاجانسا جیهان یا توركی ئێكه ژ وان ده‌زگه‌هان یێن رۆله‌ك كاریگه‌ر ل سه‌ر هه‌می لایه‌نێن ژیانا خه‌لكێ توركی و جیهانی هه‌ی و رۆژنامه‌ڤانێن هه‌ره مه‌زن د ڤی ده‌زگه‌هیدا كاردكه‌ن، د سه‌ردانا مه‌دا رۆژنامه‌ڤانێ هه‌ره چالاك و ناڤدار( عه‌بدولحه‌مید بیلچی) ب ره‌نگه‌ك جوان پێشوازی ل مه كر و كێفخۆشیا خوه دیارك بۆ ڤان ره‌نگه سه‌ره‌دانا و ئاماده‌كاریا خوه دیاركرنۆبۆ هه‌ر هاریكاریه‌كێ بو ده‌زگه‌هێ خانی بكه‌ن و زۆر پێزانین ل سه‌ر ره‌وشا كوردستانا ئیراقێ هه‌بوون و ل گه‌ل ئاردۆگان هاتبوو كوردستانێ ده‌ما فرۆكه‌خانا نێڤده‌وله‌تیا هه‌ولێرێ ڤه‌كری. ئه‌م ل ته‌ڤ وان ده‌زگه‌هان گێراندین و چاوانیا كارێ خوه نیشا مه دا، د ڤان سه‌ره‌دانان دا هه‌ردو لایان ره‌وشا ئه‌ڤرۆ دانان به‌ر دانوستاندنێ.
ل رۆژا 27ـ 1ـ 2015 مه سه‌ره‌دانا سه‌ندیكا رۆژنامه‌نڤیس و نڤیسه‌رێن توركیا ل سته‌مبولێ كر و ژ لایێ مامۆستا (فارۆق) جێگرێ به‌رپرسی هاتین پێشوازیكرن و چه‌ندین راو بۆچوونێن جودا. . جودا هاتن ئالوگۆركرن و هه‌ردو لایان خواستن ئه‌ڤ ره‌نگه هه‌ڤكاری و لێكگوهرینا پێزانین و سه‌ره‌دانان دبه‌رده‌وام بن. ژ بۆ په‌یداكرنا پێكڤه ژیان و ئاشتی و دیموكراسێ و ئێكدو قه‌بوولكرن و به‌رپرسێ ده‌زگه‌هێ خانی ئاماژه كره دیرۆكا چووی یا گه‌لێ كورد ل توركیا و وێ چه‌وساندنا ژ لایێ حوكمه‌تێن ئێك ل دووڤ ئێكن توركیا بۆ گه‌لێ كورد و محرۆمكرن ژ زمانێ دایكێ كو ئه‌ڤرۆ رۆپه‌له‌ك نوو ڤه‌كه‌ین و وه‌ك مرۆڤ ته‌ماشای هه‌ر كه‌سه‌كی بكه‌ین بێی زڤرین ل نه‌ته‌و و ئۆل و مه‌زهه‌ب كو ئه‌ڤرۆ ئه‌م ل كوردستانێ بۆ ڤێ خه‌باتێ دكه‌ین. لایه‌نێ به‌رامبه‌ر ژی ئه‌و چه‌ند دوپاتكر و هیڤی خواستن كو گه‌لێ كورد و تورك ب هه‌ڤرا وه‌ك برا بژین و هه‌ڤكاریا هه‌می پێشڤه‌چوونان بكه‌ین یێن ئه‌ڤرۆ ل كوردستانێ روودده‌ن.
(سه‌ما یۆلۆ) گرۆپه‌ك میدیایی یه ژ 7 رادیۆ 5 تێله‌فزیۆنان پێكدهێت به‌رپرسێ په‌یوه‌ندیێن ڤی ده‌زگه‌ه و رێڤه‌به‌رێ تێلفزیۆنا (دونیا) به‌رێز (ره‌مزی كه‌ته‌نچی) ڤه هاتین پێشوازیكرن. پشتی لێگه‌ریانه‌كێ ل ڤان رادیۆ تێله‌فزیۆنان چه‌ندین پرس و به‌رسڤ ل سه‌ر چاوانیا هه‌ڤكاری و میدیایێ ل هه‌ردو ئالایان هاتن به‌رسڤدان.
دووماهی سه‌ره‌دان بۆ رێكخراوا (كیۆ سیكمۆ) یا مرۆڤاتی بوو كو رێكخراوه‌كه ل سه‌ر ئاستێ جیهانێ ناسیاره و به‌س كارێن مرۆڤاتی ئه‌نجام دده‌ت ل هه‌ر قلاچه‌ك ژ دنێ. ب سیته‌مه‌ك زۆر پێشكه‌فتی كار دكه‌ن كو شاشه‌ك مه‌زن ل به‌رچاڤێن وانه دزانن ل هه‌ر جهێ دونیایێ چ روودده‌ت ژ كارساتێن سروشتی. چه‌ند نموونه وه‌ك تێست ژی نیشا مه‌دان.
مامۆستا ( بنیامێن و محه‌مه‌د) زۆر كاره‌ك مه‌زن كر ژبۆ دانانا پرۆگرامێ ڤێ سه‌ره‌دانێ و ژ هه‌ژینه مرۆڤ سوپاسیا وان بكه‌ت. دیسا دخوازم بێژم 7 رادیۆیێن وان تنێ 21 كه‌س برێڤه دبه‌ن.
زۆر یا فه‌ره ئه‌م ژی هزر د هندێ دا بكه‌ین كو كه‌سێن خودان شیان و شاره‌زا د هه‌ر واره‌كێ راگه‌هاندنێ دا بده‌ین كاری دا ئه‌م ژی هێدی هێدی هنده‌ك سنۆران ده‌رباز بكه‌ین ژ چارچووڤێ ته‌قلید و لۆكالیێ ده‌ركه‌ڤین. ده‌م یێ دچیت و كاروانێ پێشكه‌فتن و ژیانێ خوه ل مرۆڤ و هه‌سپێن له‌نگ ناگریت و دێ مه هێلیت، ڤێجا وه‌رن ده‌ستان بده‌ین هه‌ڤ دا وه‌لاته‌ك جوان ئاڤا بكه‌ین.
