ده‌زگەهێ خێرخوازی یێ بارزانی هاریكاریێن ماددی ل سەر كه‌سوكارێن شه‌هیدێن شەرێ داعش دابه‌شكرن
ئه‌ڤرۆ نیۆز:عه‌زیز ره‌سول هه‌ورامانی:
ل رۆژا چارشەمبی 21-6-2017 ده‌زگەهێ خێرخوازی یێ بارزانی هاریكاری ل سەر 47 خێزانێن شه‌هیدێن شەرێ داعش ل پارێزگەها هەلەبجە دابەشکرن و هەر خێزانەکێ کۆژمێ ئێک ملیۆن دینار وەرگرت.
سۆران سه‌ید خه‌ڵه‌ف به‌رپرسێ ده‌زگەهێ خێرخوازی یێ بارزانی ل لقێ سلێمانیێ بۆ ئه‌ڤرۆ نیۆز گۆت وه‌ك ده‌زگەهێ خێرخوازی یێ بارزانی ئەم شیاین ب هاریکاریا سیروان بارزانی فه‌رماندێ پێشمه‌رگێ کوردستانێ،هه‌ر خێزانەکا شه‌هیدێن شەرێ داعش ل پارێزگەها هەلەبجە گۆژمێ ئێک ملیۆن دینار ل سەر دابەش بکەین،کو هژمارا وان 47 خێزان بوون.
ئەو ژی گۆتیە،ئەو لیستا ژ وەزارەتا پێشمەرگەی بۆ مە هاتی ناڤێ هندەک خێزانێن شەهیدان تێدا نەبوو،بەلێ بەری جەژنێ دێ ناڤێن وان خێزانان ژ وەزارەتێ وەرگرین و دێ ڤێ هاریکاریێ گەهینینە دەستێ وان خێزانان ژی.
