ده‌ستبه‌ردان ژ مۆزیكێ یا ب زه‌حمه‌ته
دهۆك، هه‌رهین محه‌مه‌د:
بینه‌ر سدقی، لێده‌رێ ئامیرێ گیتارێ یه و قوتابیه ل په‌یمانگه‌ها هونه‌رێن جوان/ پشكا مۆزیكێ قوناغا، د دیداره‌كێ دا بۆ رۆژناما ئه‌ڤرۆ گۆت: هه‌موو ژیانا خوه من دایه مۆزیكێ وێ ژی بتنێ ده‌م ژ من وه‌رگرتیه، به‌لێ برنا وی ده‌می من گه‌له‌ك مفا ژ مۆزیكێ دیتیه و گه‌له‌ك د مۆزیكێ گه‌هشتیمه كا چ تشتێ با شه مرۆڤ بكه‌ت، له‌ورا من چ جاران هزر نه‌كریه ده‌ست ژ مۆزیكێ به‌رده‌م و ئه‌و چه‌نده بۆ من گه‌له‌ك یا ب زه‌حمه‌ته، به‌لێ گه‌له‌ك جاران ئه‌ز یێ عاجزم ب ژه‌نینا مۆزیكێ خوه ژ بیرڤه دبه‌م.
زێده‌تر گۆت: ژه‌نینا ئامیرێ گیتارێ گه‌له‌ك كێم دناڤ مه كوردان دا دهێته ب كار ئینان و پتریا جاران بۆ ستایلێن رۆژئاڤایی دهێته ب كارئینان و خه‌لكێ مه‌ژی حه‌ز ل سه‌ر مۆزیكا رۆژهه‌لاتی یا هه‌ی و بۆ گۆهێ وان خۆشتره و مه گرۆپه‌ك هه‌بوو ب ناڤێ (سۆل میۆزیك) ل پاركا نه‌ورۆز مه مۆزیك دژه‌نی و ب دیتنا من تشته‌كێ گه‌له‌ك جوانه مۆزیك دناڤ پارك و سه‌ر جاده‌یان بهێته ژه‌نین ب ڤی ره‌نگی گوهدار و حه‌زژێكه‌رێن مۆزیكێ زێده‌دبن.
