ده‌ستكه‌فتنێ ئه‌ڤرۆ يێن پێشمه‌رگه‌يى ژ زارده‌ڤێ فه‌رمانده‌كێ پێشمه‌رگه‌يى
ئه‌ڤرۆ نيوز:
سپێده‌هيا ئه‌ڤرۆ رۆژا چارشه‌مبى رێكه‌فتى 3ى ئيلۆنا 2015ێ ئۆپه‌راسيۆنێن ئازادكرنا چه‌ند گوندان ل رۆژئاڤايێ كه‌ركووك ده‌سپێكرن و هه‌تا نوكه چه‌ند گۆنده‌ك هاتينه ئازادكرن.
كه‌مال كه‌ركووكى، فه‌رماندێ پێشمه‌رگێ كوردستانێ ل رۆژئاڤايێ كه‌ركووك د داخۆيانيه‌كێ دا بۆ خه‌ندان راگه‌هاند: سپێده‌هيا ئه‌ڤرۆ رۆژا چارشه‌مبى رێكه‌فتى 3ى ئيلۆنا 2015ێ ئۆپه‌راسيۆنێن ئازادكرنا چه‌ند گوندان ل رۆژئاڤايێ كه‌ركووك ده‌سپێكر.
كه‌مال كه‌ركووكى گۆتژى: “هه‌تا نوكه گۆندێن كواس كورد و محه‌مه‌د خه‌ليل و گويێبه هاتينه ئازادكرن”.
ئاماژه ب وێ چه‌ندێ ژى كر كو زيانێن مه‌زن گه‌هشتينه داعش و هنده‌ك ژ چه‌كدارێن وان ريهێن خوه تراشينه و د ره‌ڤن”.
دا زانين ژى كو د ڤان ئۆپه‌راسيۆنان دا، فرۆكێن هه‌ڤپه‌يمانان و ليوا دو و چار و 10 و 11 و هێزێن 146 و هێزێن به‌ره‌ڤانيا ب له‌ز د پشكدارن.
فه‌رمانده‌كێ پێشمه‌رگێ هێزێن به‌ره‌ڤانيا ب له‌ز ژى بۆ رووداو راگه‌هاند كو پێشمه‌رگه‌يى هه‌ر ئێك ژ گۆندێن شه‌لالات و كوازكويانى و سه‌يد خه‌له‌ف يێن كونترۆلكرين.
عه‌ميد سه‌رحه‌د قادر، به‌رپرسێ پۆليسێن قه‌زا و ناحيان ل كه‌ركووك ژى بۆ رووداو راگه‌هانديه كو پێشمه‌رگه‌يى هه‌تا نوكه شه‌ش گۆند ئازادكرينه.
