ده‌ستهه‌لاتا چارێ دناڤبه‌را خه‌لكێ و ده‌ستهه‌لاتێ دا
ده‌ستهه‌لاتا چارێ یا كو ل سه‌رانسه‌ری جیهانێ ب هه‌می ئالاڤێن خوه‌ڤه وه‌ك بینه‌ر و خوینه‌ر و گوهدار و تورا ته‌ڤنپیركێ ژی بویه به‌شه‌ك گرنگ ژده‌ستهه‌لاتا چارێ یا كو ب راگه‌هاندن دهێته نیاسین هه‌ر چ سازیه‌ك بیت پێدڤیه ب ره‌نگێ پیشه‌یی یانه وێ په‌یاما وه‌لاتی نه‌شێن ب تاك یان ب كوم بو رایا گشتی دیار بكه‌ن یان ب گه‌هیننه به‌ر سینگێ ده‌ستهه‌لاتێ و به‌روڤاژی به‌رسڤا رایا گشتی و ده‌ستهه‌لاتێ بو وه‌لاتیان ب رونی ئاشكه‌را بكه‌ن نه كێمتر و نه‌ژی زێده‌تر لێ مخابن د وه‌لاتێن روژهه‌لاتی دا ده‌ستهه‌لاتا چارێ یان دگه‌ل ده‌ستهه‌لاتا دكتاتور بویه یان ژی بویه سیبه‌را ئوپوزسیونه‌كا زالم و خرابكار و سڤیل دبنه قوربان.
ژ به‌ر كو هه‌رێما كوردستانێ پشكه‌كه ژ ئه‌زموونا وه‌لاتێن روژهه‌لاتی و به‌رژه‌نكێن جیران ژهه‌می رویه‌كێ ڤه كارتێكرنا خوه‌یا نه‌رێنی ل هه‌رێمێ كریه و به‌شه‌ك ژڤێ چه‌ندێ راگه‌هاندن بویه، كوردستان و میدیا د ده‌سپێكا شوره‌شێن بوری دا جودابونه‌ك هه‌بویه ژ به‌ر كو باشور پتر راگه‌هاندنا شوره‌شی بویه و هه‌می ده‌ما ئالی گرێ شوره‌شێ بویه تاكو ژ بن سته‌ما دوژمنا خوه قورتال بكه‌ن و پشتی سه‌رهلدانێ هه‌ژماره‌كا سازیێن راگه‌هاندنێ یێن ل بن سیبه‌را پارتێن سیاسیی یێن كوردستانێ هاتنه ڤه‌كرن ب بوچونا من مه‌زنترین شاشی بویه ل وی ده‌می هاتیه كرن ژبه‌ر چه‌ند ئه‌گه‌ران، ژ وانا كادرێن راگه‌هاندكار ل سه‌ر بنیاتێ راگه‌هاندنا پیشه‌یی نه‌هاته پێگه‌هاندن به‌لكو ل سه‌ر بنیاتێ په‌یروێ پارتیا خوه هاته ئاڤا كرن یانكو مینا روبوتا چ بو پارتا وێ سازیێ باشه ڤیا وێ چه‌ندێ به‌لاڤ بكه‌ت و چاڤێن خوه ل ره‌خنه‌یا پارتا خوه نقاندن خوه ئه‌گه‌ر زیق و زیق شاش بیت، خاله‌كا دی شه‌رێ نافخو هه‌ر چه‌نده راستی یه‌كا ته‌حله لێ دیسان مێژویێ توماركریه و تا نهو به‌رژه‌نگێن شه‌ری و ئه‌رشیف كرنا شه‌رێ برا كوژیێ ل كه‌نالێن ل بن سیبه‌رێن پارتێن كوردستانێ ژ بو به‌رژه‌وه‌ندیا پارتا خوه ب كار دئینن ئه‌ڤه ژی شاشیه‌كا مه‌زنه و تا نوكه ژی به‌رده‌وامه، پشتی شه‌رێ ئازادیا عێراقێ و گورانكاری ل هه‌رێما كوردستانێ ژی په‌یدابون ژ واناحوكمرانیا په‌رله‌مانی ب هه‌بوونا ئوپوزسیونێ ژ به‌ر كو یا من ل ده‌ست پێكێ دیاركری راگه هاندن ل ده‌مێ سه‌رهلدانێ كارمه‌ندێ پیشه‌یی نه‌بویه هه‌كه‌ر هه‌با ژی رێ بو نه‌دهاته دان بتنێ روبوتێ سیبه‌را پارتا خوه‌بویه لێ پشتی گورانكاری دناڤا په‌رله‌مانی دا په‌یدابویی ب باوه‌ری و هه‌بونا ئوپوزسیونێ كو ئه‌ڤه ژی پێنگاڤه‌كا ئه‌رێنی بویه بو هه‌بونا سازیه‌كا ساخله‌م بشێت ده‌نگێ جادێ ب راستگویانه ب گه‌هینیت لێ دیسان هه‌رێما كوردستانێ به‌ره‌ف ئاقاره‌كێ دی چو ب رێكا راگه‌هاندنا ئوپوزسیونێ ژ به‌ركو سیبه‌را خوه ب تنێ دیت سپی یه و هه‌می كارو بزاڤێن حكومه‌تێ ب ره‌ش هاتنه ل قه‌له‌م دان، هه‌مان ره‌فتارا پارتێن به‌ری نهو ره‌فتار كرن ئانكو ل به‌ر خه‌لكێ به‌رزه بو كی راسته كی دروسته پشتی هه‌ول هاتینه دان سازیێن راگه‌هاندنێ یێن بازرگانی بێنه ڤه‌كرن دویر ژ ئوپوزسیونێ دیسان په‌یاما راگه‌هاندنێ به‌ره‌ف شاشیێن خرابترڤه چو ل شوینا په‌یاما جادێ بگه‌هینت پارتێن كوردی كرنه هه‌ڤركێن هه‌ڤدوو مینا روژانه دوباره‌كرنا شاشیێن هه‌ر چوار پارچه‌یان وخه‌لك دیسا پشتگوهاڤێن نمونه ژی د دیارن نه‌خاسمه دڤان روژان دا ئه‌م هه‌می یێ دبینین كا راگه‌هاندنێ چه‌وا خه‌لك هاندا باره‌گا بێنه سوتن و خه‌لك ببته قوربان و كه‌نالێن وان ژی كه‌فتنه به‌ر هێرشێن وه‌لاتیان ژ به‌ر وان خالێن من ئاماژه پێداین نه راگه‌هاندنا سیبه‌را پارتا و نه ئوپوزسیونێ و نه‌سازیێن یێ لایه‌نێن ب ناڤ بازرگانێ نه‌شیاینه نه په‌یاما جاددا كوردستانێ بگه‌هینن و نه ژی به‌روڤاژی هه‌تا زوربه‌یا جاران ده‌ستهه‌لاتا چارێ یابویه گوت گوت ئانكو (تابورێ پێنج)ێ.
