دهستهسهركرن و سێدارهدانا كوردان ل رۆژههلاتێ كوردستانێ زێده بوویه
ئهڤرۆ، هۆشهنگ تاجر:
ئهندامهكێ دهستهیا رێڤهبهریا رێكخستنا مافێن مرۆڤی یا رۆژههلاتێ كوردستانێ راگههاند كو سێ مههن ئیبراهیم رهئیسی وهكو سهرۆك كۆمارێ ئیرانێ دهست ب كار كریه و د ماوهیێ سێ مههێن بۆری دا ١١٢ چالاكڤانێن سیاسی یێن كورد هاتینه دهستهسهر كرن و ئیرانێ دهه كورد ژی ل سێداره داینه.
ئهحمهد ئیبراهیمی ئهندامێ دهستهیا رێڤهبهریا رێكخستنا مافێن مرۆڤی یا رۆژههلاتێ كوردستانێ بۆ رۆژناما ئهڤرۆ دیار كر كو پشتی ئیبراهیم رهئیسی وهكو سهرۆك كۆمارێ ئیرانێ دهست ب كارێ خوه كری رهوشا چالاكڤانێن سیاسی یێن كورد خرابتر لێ هاتیه، رۆژانه چالاكڤان، رهوشهنبیر، رۆژنامهڤان و چاڤدێرێن سیاسی یێن كورد دهێنه دهستهسهر كرن، ل باژێرێن رۆژههلاتێ كوردستانێ رهوش گهلهك خراب بوویه، ب بههانێن جودا جودا رێ ناهێته دان كو چالاكیێن كهلتوری و هونهری برێڤه بچن و فشارهكا گهلهك زێده ل سهر كوردان ههیه و گۆت: (راسته بهری نها ئیبراهیم رهئیسی كوردهك كره شیرهتكارێ خوه لێ ئهو یهك پتر بۆ خاپاندنا رایا گشتی بوو، چونكو ئیرانێ دڤێت وهسا بۆ جیهانێ دیار بكهت كو ئهو رێزێ ل ههموو نهتههوهیێن ل ئیرانێ دگرن لێ د راستی دا وهسا نینه و نها زۆرداریا ل سهر كوردان و بهلوچیان گهلهك زێدهتر لێ هاتیه).
ناڤهاتی ئهو یهك ژی دیار كر كو ل گۆر ئامارێن ل بهر دهستێ وان د ماوهیێ سێ مههێن بۆری دا كو ئیبراهیم رهئیسی بوویه سهرۆك كۆمارێ ئیرانێ ١١٢ چالاكڤانێن كورد هاتینه دهستهسهر كرن و ههروهسا ئیرانێ دهه چالاكڤان و گرتیێن سیاسی یێن كورد ژی ل سێداره داینه و گۆت: (نها رهوشا گرتیێن كورد ل زیندانان ژی گهلهك خرابه، ئهشكهنجهدانا گرتیان گهلهك زێده بوویه و ههروهسا رێ نادهن كهسوكارێن گرتیان سهرهدانا وان ل زیندانێ بكهن، ئانكۆ ب كورتی دشێم بێژم رهوش ل گۆر سهردهمێ رۆحانی گهلهك خرابتر لێ هاتیه و رۆژانه ل زیندانێن ئیرانێ مافێن مرۆڤی دهێته بنپێكرن، ب تایبهتی ژی فشارهكا گهلهك زێده ل سهر گرتیێن كورد و بهلوچ ههیه).
ئهندامێ دهستهیا رێڤهبهریا رێكخستنا مافێن مرۆڤی یا رۆژههلاتێ كوردستانێ ئهو یهك ژی دیار كر كو بهری نها چهندین ناڤهندێن هونهری و كهلتوری ل باژێرێن جودا جودا یێن رۆژههلاتێ كوردستانێ ههبوون و چالاكیێن وان ژی گهلهك باش بوون، لێ نها ب چو رهنگهكێ رێ ب وان سازیان ناهێته دان كو چالاكیێن هونهری و كهلتوری برێڤه ببهن و ئاستهنگیێن مهزن ل ههمبهر كارێن وان دروست دكهن، براستی ژی نها رهوشهكا گهلهك خراب ل رۆژههلاتێ كوردستانێ ههیه و گۆت: (حهفتیا بۆری هژمارهك ژ نڤیسهر، چالاكڤان و رهوشهنبیرێن كوردی ل باژێرێ سنه یێ رۆژههلاتێ كوردستانێ ل ههمبهر گهف و فشارێن ئیرانێ نهرازیبوونا خوه دیار كرن لێ هێزهكا مهزن یا سهربازی د ناڤ باژێری دا بهلاڤ بوون و رێ نهدان كو خهلك خوهنیشادانێ بكهن و ئهو یهك ژی نیشا ددهت كو رژێما نها یا ئیرانێ ژ كوردان گهلهك دترسیت).
ل دۆر رهوشا نها یا ئیرانێ ژی ناڤهاتی راگههاند رێژا ههژاریێ ل ئیرانێ گهلهك زێده بوویه، رهوشا ژیانا وهلاتیان گهلهك خرابه و بهری دو رۆژان ئیبراهیم رهئیسی ژی د كۆمبوونا ل گهل پارێزگارێن ئیرانێ دا راگههاند كو رهوشا ئابووری یا ئیرانێ گهلهك خرابه و ئهو نهشێت دهست ب پرۆژێن خزمهتگوزاریێ بكهت و دڤێت د ئاستێ پارێزگههان دا ل دووڤ شیانان ههر پارێزگارهك بخوه خزمهتا پارێزگهها خوه بكهت.