ده‌سته‌یا وه‌به‌رهێنانێ ده‌مێ ناڤنڤێسینێ بۆ 20 هزار یه‌كه‌یێن ئاكنجیبوونێ دیار كر
ئه‌ڤرۆ، زنار تۆڤی:
سه‌رۆكێ ده‌سته‌یا وه‌به‌رهێنانێ ل هه‌رێما كوردستانێ، بۆ رۆژناما ئه‌ڤرۆ دیار كر، سوبه‌هی رۆژا پێنجشه‌مبی فۆرمێن ناڤنڤێسینێ بۆ وان 20 هزار یه‌كه‌یێن ئاكنجیبوونێ دێ ل به‌ر ده‌ست بن، ئه‌و شوقه بۆ كه‌سێن كێم ده‌رامه‌ت دێ هێنه چێكرن و دبێژیت: كرێداران هنده‌ك تێبینی ل سه‌ر وی پڕۆژه‌یی هه‌بوون، ژ به‌ر هندێ مه پێداچوون تێدا كرییه، د هه‌مان ده‌م دا كرێداران داخواز كرییه، كو ئه‌و پڕۆژه پتر خزمه‌تا وان بكه‌ت و مه ژی وه‌كو ده‌سته‌یا وه‌به‌رهێنانێ ئه‌و پشتڕاستكرینه، كو ئه‌و پڕۆژه دێ د به‌رژه‌وه‌ندیا وان دا بیت.
د. محه‌مه‌د شوكری، سه‌رۆكێ ده‌سته‌یا وه‌به‌رهێنانێ گۆت: “بڕیاره ئه‌ڤرۆ 8/6/2022 جڤاتا وه‌زیران كۆم ببیت، سوبه رۆژا پێنجشه‌مبی 9/6/2022 دێ ناڤ نڤێسین ده‌ستپێكه‌ت و دێ فۆرمه هێنه به‌لاڤكرن و د هه‌مان ده‌م دا ناڤنڤێسین دێ ب رێیا ئۆنلاین بیت، دیسا رێنمایێن تایبه‌ت ژی ل دۆر وی پرۆژه‌یی دێ هێنه به‌لاڤكرن”.
گۆتژی: “ل دووڤ خه‌ملااندنا ده‌ستپێكی بهایێ هه‌ر میتره‌كا دوجایی دێ د ناڤبه‌ینا 250 بۆ 300 دۆلاران دا بیت، ئه‌و چه‌نده ژی ل دووڤ خزمه‌تكارییان دێ هێته گوهۆڕین، هه‌روه‌سا قستێ وان 12 هه‌تا 15 سالان دێ هێته دان”.