ده‌سته‌یا یاریزانێن تێنسا ئه‌ردی: وه‌رزشێ چو په‌یوه‌ندی ب سیاسه‌تێ ڤه نینه
ئه‌ڤرۆ،
ده‌سته‌یا یاریزانێن یاریا تێنسا ئه‌ردی یێن پیشه‌كارێن جیهانێ هۆشداری دا رێكخه‌رێن قاره‌مانیا ویملبدۆن هه‌كه به‌رده‌وامبن ل سه‌ر دووركرنا یاریزانێن وه‌لاتێ رۆسیا و بیلا رۆسیا بۆ پشكداریێ د قاره‌مانیا وان دا به‌رده‌وامبن دێ خالێن هه‌موو یاریزانێن پشكدار راوه‌ستینن و بۆ ناڤ پله‌داریێ نا هێنه هژمارتن.
د راگه‌هاندنا ده‌سته‌یا یاریزانان هاتیه كو بڕیارا به‌رپرس و رێكخه‌رێن قاره‌مانیا ویمبلدۆنێ ب دوورخستنا یاریزانێن هه‌ردو هه‌لبژارتیێن روسیا و بیلا رۆسیا جهێ نه‌رازیبوونێ یه و ناهێته قه‌بوولكرن و دێ زیان ب گیانێ وه‌رزشی كه‌ڤیت ژبه‌ركو وه‌رزشێ چو په‌یوه‌ندی ب سیاسه‌تێ ڤه نینه نابیت جوداهیێ په‌یدابكه‌ن و بڕیارا وان ب دوورخستنا یاریزانێن هه‌ردو وه‌لاتان ل بریتانیا دێ دڕبه‌ك ب وه‌رزشێ كه‌ڤیت و مه چو په‌یوه‌ندی ب لایه‌نێن دووڤه نینه ژبه‌ركو ناما مه رێزگرتن و ڤیانه و نێزكبوونه و بڕیارا وان بنه‌مایێن رێزگرتنێ نا هێلیت له‌ورا دێ نه‌چاربین ئه‌و خالێن بۆ یاریزانا د ڤێ قاره‌مانیێ دهێنه هژمارتن ئه‌م نه وه‌رگرین، ئه‌ڤچا هیڤیا مه ئه‌وه به‌رپرسێن قاره‌مانیا ویمبلدۆن ل سه‌ر بڕیارا خوه لێڤه‌بن.
