ده‌ست ب دروستكرنا ده‌رگه‌هێ په‌رستگه‌ها لالش دێ هێته كرن
شێخان، بارزان مزووری:
ئه‌ندازیار خالد نه‌رمۆ، سه‌رپه‌رشتێ پرۆژێ نووژه‌نكرنا په‌رستگه‌ها لالش بۆ رۆژناما ئه‌ڤرۆ دیار كر، به‌ری چه‌ندین رۆژه میر حازم ته‌حسین به‌گ، میرێ ئیزدیان سه‌ره‌دانا سه‌رۆكێ حوكمه‌تا هه‌رێما كوردستانێ كربوو، داخواز ژ سه‌رۆكێ حوكمه‌تێ كربوو ده‌رگه‌هێ په‌رستگه‌ها لالش بهێته دروستكرن و دبێژیت: ب بڕیار سه‌رۆكێ حوكمه‌تا هه‌رێمێ گۆژمێ 180 ملیۆن دیناران بۆ دروستكرنا ده‌رگه‌هێ په‌رستگه‌هێ هاتنه دابینكرن.
ناڤهاتی خویا كر، ئه‌ڤ پرۆژه، ب گرنگترین پرۆژه بۆ په‌رستگه‌ها لالش دهێته هژمارتن، ژ به‌ر كو سیما و جوانیا په‌رستگه‌ها لالش دێ هێته گوهۆڕین، ل ده‌وڤ بڕیارا سه‌رۆكێ حوكمه‌تێ ڤان رۆژان دێ كار ل سه‌ر هێته كرن.
ناڤهاتی گۆت: ئه‌ڤ پرۆژه دێ لدوڤ شێوازێ ماسترپلانا حكومه‌تا هه‌رێما كوردستانێ بۆ دارێژتی دهێت چێكرن ب شێوازه‌كێ ئه‌ندازیاری یێ جوان كۆ ژلایێ ئه‌ندازیارێن تایبه‌ت ڤه نه‌خشه‌یێ وێ ده‌روازه‌یێ هاتیه چێكرن.
