دهست ب رێیا سهرزێڕی بۆ كانی ماسێ دێ هێته كرن
ههولێر، قائید میرۆ:
رێڤهبهرا رێك و پران ل دهۆكێ ئاشكرا كر، پڕۆژهكێ ستراتیژیێ رێك و پران ل پارێزگهها دهۆكێ دێ هێته بجهئینان ئهو ژی رێیا سهرهكیا دهرگههێ سهرزێڕیه بۆ كانی ماسێ و مهتینا.
خهدیجا محهمهد، رێڤهبهرا رێك و پران ل دهۆكێ بۆ رۆژناما ئهڤرۆ دیار كر، حوكمهتا ههرێما كوردستانێ رازیبوون ل دۆر چێكرنا رێیا سهرهكیا سهرزێڕی دیاركریه و گۆت: “بڕیاره ب درێژاهیا ههشت كیلۆمهتران ژ خالا سنووریا سهرزێڕی ههتا سهنتهرێ ناحیا كانی ماسێ بهێته چێكرن، د دهمێ نوكه دا پڕۆژه د قووناغا تهندهری دایه و پشتی رێكارێن قانوونی و كارگێڕی دهست ب پڕۆژهی دێ هێته كرن”.
خهدیجا خانێ گۆتژی: “پڕۆژێ رێیا سهرزێڕی ژ سێ قووناغان پێكهاتیه، د قووناغا دوێی دا رێك ههتا چیایێ مهتینا دێ هێته چێكرن و د دووڤ دا تۆنێلا مهتینا دێ هێته چێكرن، بهلێ ژ بهر دژواریا سرۆشتێ دهڤهرێ كاركرن د پڕۆژهی دا یا ب ساناهی نینه، لهوڕا نوكه د قووناغا تهندهری دایه و ههر بهلێندهرهكێ پڕۆژه بۆ بكهڤیت دێ هێته بجهئینان”.