دهست ب چێكرنا رێیێن ناڤخوه و سۆلینێن ئاڤڕێژ ل باتیفا هاتیه كرن
ئهڤرۆ:
بهرپرسێ ڕاگههاندنێ ل رێڤهبهریا گشتی یا باژێرڤانیان ل پارێزگهها دهۆكێ دیار كر كو دهست ب چێكرنا قووناغا دویێ یا پڕۆژێ رێیێن ناڤخوه و سۆلینێن ئاڤرێژ ل دهڤهرداریا باتیفا هاتیه كرن.
ئهمیر ئهترووشی، بهرپرسێ ڕاگههاندنێ ل رێڤهبهریا گشتی یا باژێرڤانیان ل پارێزگهها دهۆكێ بۆ ئهڤرۆ ئاشكرا كر كو د بهردهوامیا چێكرنا پڕۆژێن نوو یێن خزمهتگوزاری دا یێن كو ل سهر دهمێ كابینا نههێ یا حكومهتا ههرێما كوردستانێ دهێنه بجهئینان، نوكه دهست ب چێكرنا قووناغا دویێ یا پڕۆژێ رێیێن ناڤخوه و سۆلینێن ئاڤرێژ ل سهنتهرێ دهڤهرداریا باتیفا ل سنوورێ ئیدارا سهربخوه یا زاخۆ هاتیه كرن.
ناڤهاتی ئاماژه دا وێ چهندێ ژی كو گوژمێ 636 ملیۆن و 351 هزار و 750 دیناران بۆ بجهئینانا ڤی پڕۆژهی ل سهر بودجا گهشهپێدانا پارێزگههان و ئیدارێن سهربخوه یا سالا 2022 هاتینه تهرخانكرن و گۆت: “ئهڤ پڕۆژه ژ لایێ كۆمپانیهكێ ڤه دهێته ئهنجامدان و ل دهمهكێ نێزیك ئهڤ پڕۆژه دێ ب دووماهی هێت و كهڤیته د خزمهتا خهلكێ دهڤهرێ دا”.
