دهلیڤهكا زێرین بۆ یاریزان و قارهمانیێن وهرزشی هاتیه دان
ئهڤرۆ،
د داخویانیهكێ دا پرۆفیسۆر دكتور ئهحمهد قاسم ڕاگرێ كۆلیژا پهروهردا چهستهیی و زانستێن وهرزشی ل زانكۆیا دهۆك بۆ رۆژناما ئهڤرۆ دیاركر بۆ وهرزێ نوو یێ خواندنا زانكۆیێ چهند بڕیار و رێنمایێن نوو پێخهمهت وهرگرتنا قوتابیان هاتینه دانان ژبۆ رێكخستنا كاری و ب كهڤیته د خزمهتا پێشخستنا خواندنا كۆلیژێ دا ئهوا دهێته چاڤهڕێ كرن تاقیكرنێن وان ل 11ێ ئهیلۆلێ بهێنه ئهنجامدان.
ههروهسان ناڤهاتی گۆت: بڕیار هاتیه دان بۆ وهرزێ ئهڤ ساله 50 قوتابیێن كوڕ ل گهل 25 یێن كچ بهێنه وهرگرتن وهكو ههر سال ژی رێژا 15% بۆ یاریزانێن قارهمان بن ئهوێن ل گهل یانه و ههلبژارتیان شیانێن رێزێن ئێكێ ب دهستڤه بینن و رێژا 40% بۆ خواندنێن پارالێل بن، دیسان بۆ جارا ئێكێ یه د وهرزێ خواندنێ دا وهرگرتنا قوتابیێن پهیمانگههێن وهرزشی ژ سهركهفتیێن سێیێن ئێكهم دهرگهه بۆ ههموو قوتابیان بهێته ڤهكرن.
ژلایهكێ دووڤه پرۆفیسۆر د. ئهحمهد قاسم ئهوچهنده ژی دیاركر تاقیكرنێن تیۆری و پراكتیكی بۆ قوتابیان دێ ل دووڤ سیستهمێ ئهلكترۆنی و شێوازهكێ رێكخستی و ئهكادیمی بیت كو پێكهاتینه ژ 11 لژنێن جودا و هاتینه بهلاڤكرن ژبۆ بڕێڤهبرنا تاقیكرنا نموونه لژنا بزیشكی، چاڤپێكهفتن و لژنێن چهند یاریێن وهرزشی وهكو باسكێت بۆل، ڤۆلی بۆل، تهپا دهستی و شیانێن چهستهیی، لهورا دهلیڤهكا زێرینه بۆ ههموو قوتابیێن حهزا وهرزشێ و ل دووڤ مهرجێن كۆلیژی بۆ وهرگرتنا فۆرما و بهر ب پاشهرۆژهكا گهشتر بچن.
