ده‌مژمێره‌كا ئه‌پل حه‌فت په‌قی
ئه‌ڤرۆ:
ئه‌پل یا بێ به‌هر نینه ژ كێشێن ئه‌لكترۆنی ژ لایێ ئامیرێن خوه ڤه، دووماهی روودان، ئه‌و بوو ده‌مژمێره‌كا وێ یا په‌قی.
روودان وه‌سان روودا، ده‌ما بكارئینه‌ره‌كێ ده‌مژمێرا زیره‌ك یا ئه‌پل Apple Watch Series 7 هه‌ست ب زێده‌بوونا پلا وێ یا گه‌رمیێ كری و ژ ده‌ستێ خوه كری، به‌رێ خوه دایێ كو بنێ وێ یێ شكه‌ستی و هوشداری ژی یا هاتیه سه‌ر كو ژ به‌ر بلندبوونا پلا گه‌رماتیێ ب ڤه‌مرینیت. ئه‌ڤ روودانه هه‌موو ل مالا وی روودا كو پلا گه‌رمێ نێزیكی 21 پلێن سلیزی بوو.
ئه‌ڤی كه‌سی بۆ دووڤچوونا ڤێ ره‌وشێ په‌یوه‌ندی ب چه‌ند لایان كریه و ل دووماهیێ ئێك ژ به‌رپرسێن كۆمپانیێ گۆتیێ ده‌ستێ خوه نه‌كه‌یێ هه‌تا دووڤچوونا بابه‌تی دهێته كرن.
ل رۆژا پاشتر خودانێ ده‌مژمێرێ به‌رێ خوه دایێ پتر گه‌رم بوویه و ڤیدیۆ كریه و ل ده‌مێ ڤیدیۆ كرنێ پتر گه‌رم بوویه و پتر شكه‌ستیه و هه‌تا په‌قی هه‌ر زوو ئه‌ڤی كه‌سی د په‌نجه‌رێ دا هاڤێت. پاشان ژی سه‌ره‌دانا ژوورا هاوارهاتنێ كریه ژ به‌ر نه‌خۆش كه‌فتن ب بێهنا رساسی، به‌لێ تشتێ باش ئه‌ڤان ده‌مژمێران ماددێن زیان به‌خش گه‌له‌ك تێدا نینن كو ل وان ده‌مان روودانان دروست بكه‌ن.
كۆمپانیا ئه‌پل ئه‌و ده‌مژمێر بره ده‌ف خوه دا بزانن ئه‌گه‌ر چ بوویه و دیار بوو كو پاتریا وێ نه‌یا دروست بوو، لاپه‌ره‌ك ژی داف ڤی كه‌سی دا كو ئیمزا كه‌ت و چیرۆكێ بۆ كه‌سێ ڤه‌نه‌گێریت، به‌لێ ئه‌ڤی كه‌سی ره‌تكر و په‌یوه‌ندی ب 9to5Mac و چیرۆك بۆ ڤه‌گێرایه.
