ده‌مژمێرێن دانا كاره‌با نیشتمانی دێ زێده بن
ئه‌ڤرۆ:
په‌یڤدارێ وه‌زاره‌تا كاره‌با حوكمه‌تا هه‌رێما كوردستانێ دیار كر، د هه‌یڤا نیسانێ دا 300 مێگاواتێن دی یێن كاره‌با نیشتمانی بۆ ناڤ تۆرا گشتی یا كاره‌بێ دێ زێده بن و دبێژیت: ب زێده‌بوونا وان ده‌مژمێرێن دانا كاره‌بێ ژی بۆ وه‌لاتیان د هه‌یڤا نیسانێ دا دێ زێده بن.
ئومێد ئه‌حمه‌د، په‌یڤدارێ وه‌زاره‌تا كاره‌با حوكمه‌تا هه‌رێما كوردستانێ دوهی 27/3/2022 دیار كر، نوكه هنده‌ك یه‌كه‌یێن به‌رهه‌مئینانا كاره‌بێ، ژ ئه‌گه‌رێ چاكسازیێ ژ كار كه‌فتینه و د هه‌یڤا نیسانێ دا دوباره دێ كه‌ڤنه كاری و گۆت: “د نوكه دا د ناڤبه‌را 10 بۆ 12 ده‌مژمێران كاره‌با نیشتمانی بۆ وه‌لاتیان دهێته‌دان، ئه‌ڤه ژی د ده‌مه‌كی دایه، كو خواستا وه‌لاتیان ل سه‌ر بكارئینانا كاره‌بێ بوویه پێنج هزار و 950 مێگاوات و د نوكه دا وه‌زاره‌ت سێ هزار و 200 مێگاواتێن كاره‌بێ به‌رهه‌م دئینیت”.
