ده‌مێ مۆزیكێ دژه‌نیت هه‌ست ب ئارامیێ دكه‌ت
ئه‌ڤرۆ، هه‌رهین محه‌مه‌د:
هاشم میرزا، لێده‌رێ ئامیرێ عودێ، كو خه‌لكێ رۆژئاڤایێ كوردستانێ یه، ددیداره‌كێ دا بو به‌رپه‌رێ هونه‌ری یێ رۆژناما ئه‌ڤرۆ گۆت: ئه‌ز دشێم هه‌تا شه‌ش ده‌مژمێران بێ راوه‌ستیان عۆدێ ب ژه‌نم، چونكو ده‌مێ دژه‌نم دچمه جیهانه‌كا دی و دناڤ وێ مۆزیكێ داچم و هه‌ست ب ماندی بوونێ نا كه‌م و مۆزیكی َدژه‌نم دا داهاته‌كی ب ده‌ست خوه ڤه بینم، و من نه‌ڤێت چو جاران ل گه‌ل چ سترانبێژان مۆزیكێ ب ژه‌نم و بتنێ من دڤێت ده‌مێ مۆزیكێ دژه‌نم ئه‌ز بخوه سترانان ل گه‌ل بێژم.
میرزای گۆتژی: نه مه‌رجه مۆزیكژه‌ن ئه‌كادیمی بیت، چونكو مۆزیك گێوله و ل ده‌ف من هه‌ر كه‌سه‌كێ مۆزیكێ خوه‌ش ب ژه‌نیت ئه‌ز گوهداریا وی دكه‌م و من گه‌له‌ك هه‌ڤال هه‌نه ده‌مێ ئه‌م پێكڤه مۆزیكێ دژه‌نین هه‌ست ب ئارامیێ دكه‌م.
