ده‌مێ چایێ ڤه‌دخۆت عێلنجی لێ دده‌ن
دهۆك، شاكر ئه‌تروشی:
گه‌نجه‌كێ خه‌لكێ دهۆكێ، كو نوكه ژیێ وی بیست و شه‌ش سالن و ئه‌ڤه بۆ ده‌مێ پتر ژ هه‌شت سالانه ل چایخانه‌كێ كاردكه‌ت هه‌تا نوكه چو جاران چا نه‌ڤه‌خواریه و ئه‌و دبێژیت ده‌مێ زۆری ل من دهێته كرن و كه‌وچكه‌كێ چایێ ڤه‌خۆم ئێكسه‌ر عێلنجی پێ دهێنه من.
هه‌كار دۆسكی، شێف و چاپچی ل چایخانا شه‌هیدان ل دهۆكێ گۆت: هه‌تا نوكه من په‌یاله‌كا چایێ نه‌ڤه‌خواریه و هه‌ر نوزانم تاما وێ چه‌وایه، لێ هنده‌ك جاران ده‌مێ ب مێڤانداری دچمه جهه‌كی دێ سویندا ده‌نه به‌رمن و هه‌ر ده‌مێ من ژ به‌ر سویندا وان كه‌وچكه‌ك ڤه‌خوار ئێكسه‌ر عێلنجی دهێنه من و ئه‌ز پێ تێكدچم.
هه‌روه‌سا گۆت: ژبلی چایێ ئه‌ز شێفم و هه‌موو جۆرێن خوارنان چێدكه‌م، ب تایبه‌ت یێن تێشتێ لێ چو جاران چایێ ل گه‌ل ڤه‌ناخۆم و ئه‌ز فێربوویمه، بۆ زانین ژبلی چایێ ئه‌ز حه‌ز ژ ڤه‌خوارنێن دی ژی ناكه‌م، لێ هنده‌ك جاران ته‌زیاتیان ڤه‌دخۆم.
