دهم هات
ل درێژیا مێژوویێ ئهو خهلكێن ل سهر ئاخا پیرۆزا كوردستانێ ژیاین، ههردهم مێرخاسی و جهنگاوهری ل دووڤ خوه هێلاینه؛ لێ مخابن ل وان دهمان دا د ئێكگرتی نهبووینه و سهركهفتن و قههرهمانی بۆ خهلكێن دی تۆمار كرینه. لێ بارزانی شیایه ل بهرامبهر چهمكێ بنهمالگهری، گوندگهری و عهشیرهت گهری، تێكۆشانهكا فهلسهفی بكهتن و ل ههمان دهم دا ژی بنهمال، گوند و عهشیرهت ل بن سیبهرا ئالایێ كوردستانێ ب ئێكدهنگی و ئێكڕێزی رێك بێخیت.
ئهڤه نه ب دلێ دوژمنان و خهلكێن دی كو ل بهرژهوهندیێن خوه دگهریان بوو، ژبهر وێ ههر ژ رۆژا ئێكێ دژی ڤێ چهندێ راوهستیانه، چ ب چهك و تۆپ و بالهفڕان و چ ب پیلانگێری و ئاژاوهگێریێ د ناڤبهرا كوردان دا. د دوو سالێن بووری دا پشتی سهروَكێ ههرێما كوردستانێ ئامادهیی یا كوردان و شیانێن وان ژ بوَ دهولهت بوونێ داینه پێش چاڤێن خهلكێ جیهانێ، دوژمنی ب پێلان گێریێ نه راوهستا و گهلهك ب هوَڤانه بهرێ تێروریستێن اعش دا ئاخا مه و خهلكێ كوردستانێ دابهر كوشتن و سوَتن و بڕین و تالان كرنێ وهكو مه ههموویان دیتی و بهیستی. مادهم مه پێشمهرگهیهك ههیه كو پاراستنا ئاخا كوردستانێ دكهت، مادهم مه قههرهمان و مێرخاسێن ههین دێ خوه بهرامبهر وان تهنگاسیێن نوكه چێد بن، راگرین. ئهگهر ئهم پیچهكێ هزر د شههیدێن كوردستانێ دا بكهین فیداكاریا وان دێ بیته هاندهر كو ئهم خوَبهخشانه خوه گوری كوردستانێ بكهین. ئهم بهرهو ئایهندهیهكی گهش دچین، بهری ههر خوهشییهك نهخوهشییهك ههیه. دهبیت ئهم خوه ل بهر نهخوهشیێن نوكه چێدبیت بگرین تا بشێین كوردستانهكێ ئاڤاكهر مه ههبیت. ئهڤی شهرێ دوژمێنن كورد دانه نیاسین چ ژناڤخوهیی و چ ژدهرڤهی و چ ژلایێ دیترڤه، ئێكگرتنهكا ب هێز د ناڤا پارتێن سیاسی داخویا كرن، لێرهیه كو ئهم وهك وهلاتی ئێك به ئێك دهبیت هاری ئێك و دو بكهین، ئهڤروَكه ل سهر ملێن مه ههموویانه پیروَزی و سمبوَلێن خوه ل سهر ئاستێ جیهانێ، وهك حوكمهت و سهروَكاتیهكا ژیرانه و دیپلوَماسی و پێشمهرگهی وهكی لهشكهرهكێ جان فیدا و قارهمان وهلاتێ كوردستانێ بهرز راگرین. دهم هاتیه ئهم خۆڕاگر بین بهرامبهر وان پرس و ئارێشێن كو نوكه ل كوردستان و ل ناڤ تهخ و چینێن جڤاكێ مه دا سهری هلداینه. دهم هاتیه ئهم هاریكاریا سهرۆكێ خوه و حوكمهتا خوه بكهین، نهكو ئامیرێ پیلانێن دوژمنێن خوه بین و پاڤێینه حوكمهتا خوه. بلا ژبیر نهكهین كو ب مهلیوَنان مرۆڤ ژ كورد و عهرهب و ئاشوَر و كلدان و موسلمان و مهسێحی و ئێزدی ژبهر ترس و كوشتن و برسی بوونێ رهڤیان و ژ لایێ حكوومهتا مهڤه هاتینه ڤهحواندن و خۆدان لێ دهركهفتن. دهم هاتیه بسهلمینم كو چ هێز و رێكخراوێن تیرۆرستی نهشێن بهرامبهر ئیرادا گهلێ كورد ب سهركردایهتیا حهكیمانهیا بهرێز مهسعود بارزانی ب راوهستن. موچه ههبیت یان نهبیت بۆ مه نه پرسهكا گرنگه و بلا دوژمنێن مه بزانن ئهم خۆڕاگرین. دهم هاتیه گازندان راوهستینین و ل شوونا زهنگین كرنا مال و مولكێن خوه و ئاڤاكرنا خانیێن چهند قاتی و كڕینا ترۆمبێلێن ئاخر مۆدێل، وهرن هزر و باوهرێن خوه زهنگین بكهین
من كیمیاباران نه دیتیه، من ئهنفال نهدیتیه راسته بهلێ دهمێ من بهیستی و كارهسات دیتین زوَر خهمبار بووم، بهلێ ژبیر ناكهم ئهو دهربدهری كو چركه چركه ل گهل مهزن بوومه، مخابن نوكه كو ئهم د ناڤ ئاخا خوه داینه بهایێ ئاخا خوه نزانین.
