ده‌هـ پرۆژێن خزمه‌تگۆزاری ل مێرگه‌سۆر دێ هێنه بجهئینان
مێرگه‌سۆر، ره‌مه‌زان هه‌رنی:
د چارچوڤێ گرنگیدانا حوكمه‌تا هه‌رێما كوردستانێ دا ب دروستكرن و بجهئینانا پرۆژێن خزمه‌تگوزاری، ل سنوورێ قه‌زا مێرگه‌سۆر ل ده‌ڤه‌را بارزان هژماره‌كا پرۆژان دێ هێنه بجهئینان.
غه‌فور ئه‌حمه‌د، قایمقامێ قه‌زا مێرگه‌سۆر بۆ رۆژناما ئه‌ڤرۆ گۆت: “نوكه ده‌هـ پرۆژێن خزمه‌تگۆزاری ل سنوورێ قه‌زا مێرگه‌سۆر دهێنه بجهئینان، رێژه‌كا باش یا كاری تێدا هاتیه‌كرن، ب دووماهی هاتنا ڤان پرۆژان دێ كارێ وه‌لاتیان پتر ب ساناهی كه‌ڤیت، ب تایبه‌تی كو پشكه‌كا وان پرۆژان د بیاڤێ رێك و پران دانه، ژ به‌ركو ده‌ڤه‌را مێرگه‌سۆر ده‌ڤه‌ره‌كا چیای و به‌رفره‌هه، گه‌له‌ك رێك تێكچووبوون، لێ پڕانیا وان هاتنه نووژه‌نكرن”.
گوتژی: “ژلایێ حوكمه‌تا هه‌رێما كوردستانێ ڤه حه‌فت پرۆژێن دی ژی ل سنوورێ قه‌زا مێرگه‌سۆر دێ هێنه بجهئینان و د ده‌مه‌كێ نێزیك دا ئه‌و ژی دێ كه‌ڤنه د بیاڤێ بجهئینانێ دا و دێ گرنگیا خوه بۆ ده‌ڤه‌را مێرگه‌سۆر و گوندێن ده‌ردۆر هه‌بیت.
