ده‌هـ یاریكه‌ر ژ دهۆكێ بۆ هه‌لبژارتیێ كوردستانێ هاتنه داخواز كرن
ئه‌ڤرۆ نیوز، هه‌ژار مه‌عروف:
راهێنه‌رێ هه‌لبژارتیێ لاوێن كوردستانێ ئه‌رسه‌لان جه‌لال ناڤێ 73 یاریكه‌را داخوازى هه‌لبژارتیێ ده‌ستپێكى یێ لاوێن كوردستانێ كرن بۆ پشكدارى كرن د قاره‌مانیا نه‌رویج یا لاوان دا ئه‌وا بریاره ل هه‌یفا حه‌فتا ئه‌ڤ ساله ل باژێرێ ئوسلو بهێته‌كرن و هژماره‌كا مه‌زن یا یانێن ئه‌ورپى و جیهانى پشكدارى تێدا كه‌ن كو دناڤا پێكهاتیێ ده‌ستپێكى ده‌ه یاریكه‌رێن پارێزگه‌ها دهۆكێ هاتینه داخوازكرن .
هژمارا مه‌زن یا یاریكه‌ران یێن پارێزگه‌هێ بۆ تیما لاوێن زێره‌ڤانى ڤه‌دگه‌ریت ئه‌وژى پێنج یاریكه‌ر بوون ئه‌وژى جیهاد موحسن، ڤه‌گێر سه‌لاح، ئیبراهیم سه‌لیم، سامان سلێمان ره‌مه‌زان، سیزار حه‌یدر و چار یاریكه‌ر ژ یانا زاخۆ عومه‌ر عومه‌ر، حه‌سه‌ن ئه‌حمه‌د، دلێر ته‌یار، ویشام حسێن و چار یاریكه‌ر ژ یانا دهۆكێ سیانێد ئه‌كرم، ئه‌له‌ند موئه‌ید،حسێن تارق، سه‌عید عه‌بدولواحد و یاریكه‌ره‌ك ژ یانا گاره ئه‌وژى كادل عه‌بدولخالق.
ده‌سته‌یا راهێنه‌ریا هه‌لبژارتیێ كوردستانێ راگه‌هاندى یه ئه‌و یاریكه‌رێن هاتینه داخوازكرن بریاره 26/5/2015 ل باژێرێ هه‌ولێرێ ئاماده‌بن بۆ كرنا تاقیكرنێن ده‌ستپێكێ و هه‌لبژارتنا پێكهاتیێ ده‌ستپێكى بۆ قاره‌مانیا نه‌رویج ئه‌وا بریاره ل ده‌ستپێكا هه‌یڤا بهێت هه‌ڤركیێن وێ ل ئوسلو بهێنه كرن.
هه‌ژى گوتنێ یه ده‌سته‌یا راهێنه‌ریا هه‌لبژارتیێ كوردستانێ پێكهاتى یه ژ ئه‌رسه‌لان جه‌لال وه‌كو راهێنه‌ر و فه‌تحى قه‌رانى هاریكارێ راهێنه‌رى و جوتیار موحسن راهێنه‌رێ گولچیا.
