ده‌واما فه‌رمانبه‌رێن حكومه‌تێ دێ بیته پێنج ڕۆژ د حه‌فتیێ دا
ل دووڤ نڤیساره‌كا سه‌رۆكێ دیوانا جڤاتا وه‌زیرێن هه‌رێما كوردستانێ، ده‌واما فه‌رمانبه‌رێن هه‌رێمێ ب شێوه‌ی ته‌ناوب دێ هه‌لوه‌شیێت و ژ ئه‌ڤرۆ وێڤه حه‌فتیێ پێنج ڕۆژان دێ ده‌وامێ كه‌ن.
ل دووڤ ناڤه‌رۆكا نڤیسارێ كو دوهی 13/6/2021 ئاراسته‌ی سه‌رجه‌م وه‌زاره‌ت و دام و ده‌زگه‌هێن حكومه‌تا هه‌رێمێ كریه، ده‌واما فه‌رمانبه‌ران ب شێوێ نۆره “ته‌ناوب” دێ هه‌لوه‌شیێت.
د ناڤه‌ڕۆكا نڤیسارا سه‌رۆكێ دیوانا جڤاتا وه‌زیران دا هاتیه: “ژ به‌ر به‌رژه‌وه‌ندیا گشتی و باشتر ب رێڤه‌برنا كاروبارێن وه‌لاتیان، جڤاتا وه‌زیرێن هه‌رێمێ بڕیار دا ده‌واما فه‌رمانبه‌ران ب شێوێ نۆره هه‌لوه‌شیێت و هه‌موو فه‌رمانبه‌ر پێدڤیه حه‌فتیانه پێنج رۆژان ده‌وامێ بكه‌ن”.
