دهولهتا هار و مرنا سار
دهولهتا ئهردۆگان ههر رۆژ ب گهف و دروستكرنا ئالۆزیهكا نوو خوه دئێخته رۆژئاڤا جیهانێ و ههر كریار و پێنگاڤهك دهولهتا هار زێدهتر داویا دهستههلاتا ئهردۆگان و سیستهمێ بێ سیستهم یا دهولهتا ئهردۆگان دئینیت و ههموو توركیا بهر ب كارهساتێن ئابوورى، سیاسى و ژیانى ڤه دبهت.
برادهرهك ئاك پارتى د ئاخڤتنهكا مه دا هندهك بهحسا هاربوونا دهولهتا ئهردۆگان كر و بهحسا راوێشكارێن ئهردۆگان یێن دهروونى دكر و دگۆت: (ل دهور و بهرێ ئهردۆگان نهه كهسێن جڤاكناس و دهرووناس ههنه و ئهڤ كهسه تایبهتمهندیێن جڤاكێ، ئالیێن لاواز و دهلیڤێن بكارئینانا لاوازیێن جڤاكێ رۆژانه شرۆڤه دكهن و سهرۆك كۆمار ئهردۆگان د چارچوڤا راپۆرت و نرخاندنا ڤان كهسان بریاران وهردگریت و دشێت دلێ جڤاكى بكهته كۆنترۆلا خوه و ل دووڤ پێدڤیێن سیاسهتا خوه ڤان بكار بینیت).
پشتى ئۆپهراسیۆنا ل سهر چار وهزیرێن ئاك پارتى، بیلال ئهردۆگان یێ كورێ سهرۆك كۆمار، سهرۆكێ دهزگههێ ههوالگیریێ و نێزیكى (22) خوهدیكارێن نێزیكى ئهردۆگان ههموو بنهمایێ سیاسهتا ئهردۆگان هاته گهۆرین و سهرۆك كۆمار وهك كارێ سهرهكى ساخلامكرنا دهستههلاتا خوه كره پێشیا ههموو كاران و بۆ ڤێ یهكێ ژى وهك پێنگاڤا یهكهم ل دژى دادوهر و جماعهتا گولهن ئۆپهراسیۆن دهست پێ كر و دهمێ ڤى كارى كر گهنهرال، برێڤهبهر و كادرێن بهرێ یێن دهولهتا كوور ژ زیندانان ئازاد كر و ب ههڤپهیمانیهكا نهتهوهپهرهست یا دژوار ئهو كهس دانه گهل خوه و وهك قووناغا دویێ یا شهرێ ل دژى كوردان دووباره دهست پێ كر. سهدهمێ سهرهكى یێ دهستپێكرنا شهر ئهڤه بوو كو د رهوشهكا ئارام دا نهدشیا نهخشا كۆدهتا سیاسى بجه بكهت و بۆ وى رهوشهكا شێلى و نه ئارام پێدڤى بوو و كارێ ههرى هێسان ژى راگههاندنا شهری ل دژى پكك بوو، ژ خوه پكك ژى ژ بهر بێ بهرنامهكێ دهمدرێژ و ستراتیژیهكا نهزهلال بوو یهكسهر هاته یاریا ئهردۆگان و دهرفهتا بجهئینان كۆدهتا سیاسى بهرفهرههتر كر.
ههكه تهڤگهرا رزگاریا كوردی ل باكورێ كوردستانێ دهمێ ئهردۆگان مێزا دانوستاندنان هاڤێتی و قووناغا ئاشتیێ ژ هۆلێ راكر، رژدی ل سهر بزاڤا ئاشتى و دیمۆكراتیك بكرا دا رێكێن ئهردۆگان بۆ خوه گههاندنا كۆدهتا سیاسى گهلهك لاواز ببا، لێ مخابن تهڤگهرا كورد ل باكور ب نرخاندنهكا گهلهك شاش و ب تهكتیكهكا دوور ژ ئهقلێ شۆرهشگهرى شهرێ باژێران دهست پێ كر و ئهڤێ یهكێ رهوشهكا گهلهك شێلى و تاڕى دروست كر و ئهردۆگان ژ ڤێ تاڕیاتیێ و رهوشا نهزهلال موفایهكێ مهزن وهرگرت و ههردو پلانێن كۆدهتا سهربازى و كۆدهتا سیاسى ب كریارى دهست پێ كرن و پێنگاڤێن دهولهتا هار هاڤێت. ل ڤێدهرێ مهرهما من نه ئهوه ئهز تهڤگهرا كورد ل باكور وهك تۆمهتبار نیشان بدهم ژ رهوشا نها، لێ پێدڤى بوو سهركردێن باكور ب هوورى نرخاندنهك ل سهر رهوشا باكورێ كوردستانێ و توركیا كربایه و ب بهردهوامیا سیاسهتا دیمۆكراتیك و ئاشتیخواز رێ ل بهر بجهكرنا پلانێن كرێت یێن ئهردۆگان گرتبا.
د رهوشا نها دا مخابن دهولهتا هار و هۆڤ ل توركیا ئێدى ل سهر كاره و دهولهتا هار ل پهى شهرهكى ناڤخۆ و ههرێمى دگهریت و ئهردۆگان دخوازیت ب شهرهكێ خویناوى خوه وهك خهلیفێ سونهیان ل رۆژههلاتا ناڤین بدهته قهبوولكرن و دهستههلاتا خوه یا تاكهكهسى گهرهنتى بكهت و بۆ ڤێ یهكێ ژى وهك رهقاسان ههر دهمهك ل ههمبێزا ئالیهكێ زلهێز دا رهقسێ دكهت، ل ئالیهكى ب یانكى یێن ئهمریكا را ل جازێ ددهت و ل ئالیێ دى بێ حسابهكا دهمدرێژ هرچا رۆسیا راكریه رهقسێ و بریارا ب داویكرنا رهقسێ ژى د دهستێ هرچى دایه.
د رهوشا نها دا ههم ئهمریكا و ههم ژى روسیا دهستێ خوه كرنه حهفكا ئهردۆگان و ههردو دهولهتێن زلهێز ژى دهور و بهرێن دهولهتا هار یا ئهردۆگان كرنه ئاگر و مرنهكا سار ددهن پێشیا وى و دخوازن وهك دووپشك دهولهتا هار ب خوه داوى ب ژیانا خوه بینیت و نه ههڤپهیمانیا ئهتلانتیك (ناتۆ) وى ژ ناڤ خوه دهاڤێژیت و ناهێلیت ئهكتیڤ ژى ببیت نه ژى ههڤپهیمانیا شهنگاى وى دگریته ناڤ رێزێن خوه نه ژى وى دوور دكهت یانى د ناڤا خوه دا وهك تهپا پێ یاریان پێ دكهن.
راسته ئهردۆگان ب رێكا راوێشكارێن خوه ب رهنگهكى سهركهڤتى دلێ جڤاكێ خستیه د دهستێ خوه دا و جڤاكهكی بێ باندۆر و رازى ژ مرنهكا سار دروست كریه و رێكێن زالبوونا ل سهر جڤاكێ تورك ب سهركهڤتى بجه دكهت، لێ د سیاسهتا دهرڤه دا بهرۆڤاژیا سیاسهتا ناڤخۆ، بهنكێ دهولهتا توركیا د دهستێ ئهمریكا و روسیا دایه و ههردو دهولهت ژى ل رۆژههلاتا ناڤین ل دووڤ رهوشێ دهولهتا هار بۆ ئارمانجێن خوه بكار دئینن و دهمێ ئهمریكا پێدڤى بوو ل جازێ ددهت و دهمێ روسیا خوهست رادبه رهقسێ. ئهمریكا دخوازیت دهولهتا هار بێخیته د ناڤا جهههنهما عیراقێ دا و روسیا ژى ههردهمێ پێدڤى كر بهرێ وێ ددهته مرنهكا هار ل رۆژئاڤا و سووریێ.
