ده‌وله‌تبوون خوه‌ش خه‌به‌ره، به‌لێ من نه‌باوه‌ره
گاڤا نه‌ته‌وه‌كێ بنده‌ست شیا شۆره‌شا خوه بكه‌ت ل گه‌ل دوژمنێ خوه و هنه‌ك ماف و به‌رژه‌وه‌ندی و پیرۆزی و هێزێن خوه گرنتی كرن و بهێت بریارا مافێ چاره‌نڤیس خوه بریار بكه‌ت و ده‌وله‌تبوونا خوه رابگه‌هینت، هه‌لبه‌ت دڤێت خودان ئاسایشه‌كا قه‌بوولكری یا: سیاسی و ئابووری و له‌شكری و جڤاكی ب ره‌هه‌ندێن وان هه‌موویان ڤه بت: ئاسایشا داموده‌زگه‌هێن ده‌وله‌تێ، ئاسایشا شیوه‌یێ ب رێڤه‌برنا ده‌ستهه‌لاتا دیمۆكراتیك، ئاسایشا به‌رژوه‌ندیێن نه‌ته‌وه‌ی، ئاسایشا په‌یوه‌ندی و دیپلۆماتی، ئاسایشا مافێ مرۆڤ، ئاسایشا دستووری و سه‌روه‌ریا قانوونێ، ئاسایشا كه‌سی، ئاسایشا پێكهاتان، ئاسایشا ره‌وشه‌نبیری، ئاسایشا راگه‌هاندنێ، ئاسایشا خوارن و ڤه‌خوارن، ئاسایشا وه‌زێ، ئاسایشا ئاڤێ، ئاسایشا چاندنێ، ئاسایشا پیشه‌سازی، ئاسایشا گه‌شتوگۆزار، ئاسایشا دادگه‌هێ، ئاسایشا ساخله‌می، ئاسایشا زمان و خواندن و نڤیسین، ئاسایشا برێڤه‌برنا كرێز و قه‌یرانان.. هتد، دیسا ره‌وشه‌نبیریا گه‌ڤ و مه‌ترسێن ئاسایشی ب ناڤخوه: پیلانگیری و تێكدان و گرۆپێن ده‌ستهه‌لاتی و جاش و چه‌ته و شه‌ڕێ پارتیزانی و پرۆپاگندێن ره‌ش و تابۆرێ پێنجی و ده‌رڤه ب: له‌شكر و داگیركرن، ئابووری سزاێن ئابووری و بلاك لیست، كۆمه‌لاتی ب چاند و میدیا.
هن ژ نه‌ته‌وه پارێزێن كورد و كوردستانی پشتی ده‌وله‌تا عیراقی چێبووی و رێز ل هه‌بوونا وان نه‌هاتی گرتن ب به‌رده‌وامی، شۆره‌شكرن به‌لێ ئه‌ڤ مرۆڤان بوون پێشمه‌رگه و پێشمه‌رگاتی كرن، بوون پێشمه‌رگه و ب زكه‌ك تێر و سه‌دان برسی و ب ترس و مرنه‌كا چاڤه‌رێكری و دو ژمال و خوه‌شیێن ژیانێ و پێشمه‌رگاتی كورد و كوردستان دڤێ هه‌بن و ب ته‌ماما مافێن خوه وێ شاد بن و ئه‌نجام ب هه‌ری باشترین كه‌فتنه خزمه‌تا چاخێ سه‌رهلدان ئه‌نجامكری و پاش بوون خودان حوكمه‌ت و په‌رله‌مان و ژ سالا 1991 تا 2003 ان خوه‌دان سه‌ربه‌خوه‌یه‌ك د عیراقه‌كا دكتاتۆر دا و چ باش و خراب خوه ئیداره كرن و پاش 2003 ان هه‌تا ئه‌ڤرۆ د عیراقه‌كا ب ناڤ فیدرال و دیمۆكراتی ب كریارا سۆپه‌ر دكتاتۆری و پیشێل و بنپێكرنا هه‌موو مافێن وان: سیاسی و چوگرافی و ئابووری و كومه‌لاتی. به‌لێ پشتی عیراقا فیدرالا ئێكگرتی بوویه عیراقه‌ك ب تنێ حوسینیان ب خودان بكت و ماف و به‌رژه‌وه‌ندیێن وان بكت چ ل ده‌مێ ئاغایێ جه‌عفه‌رێ یان ئاغایێ مالكی و یێن دیتر عه‌ره‌بێن سونه نه‌رازی بوون و كورد نه‌رازیتر بوون و رۆژ بۆ رۆژێ (مالكی) دكتاتۆرتر ده‌ركه‌فت تاكو (داعش) هاتی ب ره‌هه‌ندێن سونه‌نیزم ڤه و سونه‌یه‌ك ل كویڤه‌یا عیراقێ هه‌یه ئه‌و دێ وی پارێزن و پاش ڤێ بزاڤێ داخوزا (خیلافه‌تا ئیسلامی) كر و گه‌ف دان (كه‌عبێ) ژناڤ ببن ئه‌و ناڤبه‌را وان بخوه و كوردان چ ئیش پێ نینه و (داعش) خێره‌ك مه‌زن كر بۆ كوردان و ماده‌یێ (140 كۆنترۆلكرن، به‌لێ عیراق بوو ئه‌ڤ عیراقا نها بوویی و هاتن و چوونێن ئاشكه‌را یێن ئه‌مریكی و بریتانی و ناوچه‌یی و هه‌رێمی و نیڤده‌ولی چێبوون ل گه‌ل (شیعه و سونه و كوردان) و ل ته‌ماما جیهانێ به‌حس دهێ كرن عیراقا ئێكگرتی چوو و نه‌ما و بخێر بهێت سێ هه‌رێم ل عیراقێ، كورد و شیعه و سونه، به‌لێ پشتی ڤی كوشتن و پنپێكرن و دكتاتۆریێ پێشبینا ده‌وله‌ته‌كا عیراقی ئێكگرتی یا ب هێز و وه‌ك پێدڤی ماف و به‌رژوه‌ندیێن هه‌رسێ پێكهاتان بده‌ت زۆر ب زه‌حمه‌ته.
چ دوهی هه‌ر ژ سالا 1991 ان یان ئه‌ڤرۆ زێده‌تر و ئاشكه‌راتر، بارزانینیزم ب رابه‌راتیا (مسعود بارزانی) و هه‌ڤده‌م (سه‌رۆك هه‌رێم) وێ مه‌زنترین مانۆرایێن سیاسی و ئابووری و كۆمه‌لاتی و له‌شكری و تیكه‌لی و دیپلۆماتیان تۆماردكه‌ت بۆ باشۆر: جار ل ئه‌مریكا و جار وه‌لاتێن ئێكه‌تیا ئه‌ورپا و جار روسیا و جار ل ده‌ف بابایێ فاتیكان و جار ل وه‌لاتێن ده‌ردورێن دوژمن و جار ل وه‌لاتێن عه‌ره‌بێن كه‌نداڤ و جیهانا عه‌ره‌بی و ئیسلامی، ئه‌ڤه هه‌موو بۆ هندێ پشته‌ڤانیا مانه‌ڤی و ده‌راڤیا ڤان وه‌لاتان بده‌ست بێخت گاڤا باشۆر مافێ چاره‌نڤیس بریار بكه‌ت و ل وان ده‌مێن بووری ڤی سه‌رۆكی دگه‌ل مه‌زنه كه‌نال و رۆژنامه‌ێن جیهانی راگه‌هاند ده‌م هاتیه باشۆر بریارا خوه بده‌ت و راپرسێ بهێ كرن بۆ ده‌وله‌تبوونێ و پاش هاته په‌رله‌مانا كوردستانێ و داخوازا پشته‌ڤانی و كارێ پێدڤی كر.
بێ گۆمان هه‌ر نه‌ته‌وه پارێزه‌كی ساخله‌م كورد و كوردستانی د ئه‌ڤرۆ دا ب راگه‌هاندنا ده‌وله‌تبوونێ قه‌بووله و وێ خوه ب هێز و پشت و ئه‌لمنتێن ئه‌كتیف بزانبت و ته‌ماما شه‌هید و قوربانێن باشۆر د گۆران دا وێ هه‌ست بكن خوینا وان بێ به‌رامبه‌ر نه‌چوو، لێ ژبیر نه‌كه‌ن كورد مافێ چاره‌نڤیس بریاربكن چ دخوازت، دخوازت هه‌بوونا ئاسایشێن دیاركری و دگه‌ل ره‌هندێن وان ئێك ئێكه وه‌كو پێدڤی و گه‌ر نه‌خێر: ب مه وه‌ره هه‌ر راگه‌هاندنه‌ك ئانكو مرنه‌ك ب مۆره‌ك كورداتی و باشۆر ناكاربت 24 ده‌مژمێران ده‌وله‌تا خوه ئیداره بكت ژبه‌ر چ؟ ئه‌و ژی: هژمارا پێشمه‌رگان به‌رامبه‌ر یا جاش و چه‌ته و خوه‌فرش و ده‌ستكردێن سیاسی زۆر كێمترن و ئه‌ڤ ئاسایشانه د نها دا بخوه له‌نگن و رۆژ بۆ رۆژی دێ له‌نگتر بن ده‌وله سه‌رێ ئانتی پێشمه‌رگه و پێشمه‌رگاتی، ب مه‌رجه‌كێ گه‌ر هات ته‌ماما باشۆریان توبه‌یه‌كا ئێك جاری كرن و هه‌موو بوون پێشمه‌رگه و پێشمه‌رگایه‌تی كرن د ده‌مه‌ك پیڤانه‌ی دا و ئه‌ڤ ئاسایشانه ب هێز كرن، ل ڤی چاخی ده‌وله‌تبوون وێ ببت راستی، ئه‌ڤجا (سه‌رۆك بارزانی) ته ئه‌مانت ئه‌ڤرۆیا باشۆر ب هه‌ری باشترین رێ بكه و دیسا بزانبه ده‌وله‌تبوون چ ئه‌ڤرۆ یان سوبه‌هی هه‌ر خه‌ما ته و خه‌ما هه‌ر نه‌ته‌وه پارێزه‌ك كورد و كوردستانیێ وه‌ك ته و ئه‌ڤه ب هیڤیا بوونا باشۆر ب ده‌وله‌ت و هێز و هه‌بوون بۆ پارچێن دن ژ كوردستانێ.
