دهڤهرا بههدینان ههمبهر نهیارێن كوردان و كوردێن نهیار.
دهڤهرا بههدینان كو دبیته خهلهكا پێكڤه گرێدانێ د ناڤبهرا ههر چار پارچێن كوردستانێ دا یان بێژین خالا سنورێ عێراقێ دگهل توركیا و سوریایێ و تا رادهیهك ئیرانێ، دهڤهرێن بارزان و میرَگهسور و دیانا و سیدهكان ههر بههدینن و بڤێ چهندێ دهڤهرا بههدینان دگههیته سنورێ روژههلاتا كوردستانێ، ژبهر جهێ ستراتیژی و جیوَپوَلهتیكێ ڤێ دهڤهرێ پشكا شێری ههبوویه د بزاڤا رزگاریخوازا كوردی دا و ههمان دهم وان وێرانكرن و كوَمكوژیێن دهرحهقا مللهتێ مه دا هاتینه كرن ب درێژاهییا دیروكێ، لێ یا نهوَ پتر ههست پێ دهێته كرن ئهوه ژبلی دوژمنكاری یا بیانی دگهل دهڤهرا بههدینان و كوردایهتییا خهلكێ وێ، ل ناڤخوَیا ههرێما كوردستانێ و ل سهر ئاستێ ههرسێ پارچێن دیتر چ ب ئاشكرایی یان نهێنی بزاڤ و ههولێن چهپهل دهێنه كرن دژی بههدینا و زوَر جارا ب بهانهیا ههڤڕكییا لایهنهكێ سیاسی هێرشی كولتوَر و داب و نهریت و ژیانا خهلكێ بههدینان دكهن، مافێ مهیه پرسین: بوَچی ڤان لایهنا ههموو شیانێن خوه ئێخستینه كار دژی پارچهكا گرنگ و ههستیارا كوردستانێ؟ ئهگهر پێداچوونهكا بچووك د دیروَكێ دا بكهین، دێ خوَیا بیت سهنگا دهڤهرا بههدینان چیه و چهند د خزمهتكرنا گهلێ كورد و كوردستانێ دا، ژ وان چوونا رهحمهتی مهلا موستهفا بارزانی و پێنج سهد قارهمانێن پێشمهرگه بۆ روژههلاتێ كوردستانێ ل سالا 1946 ژ بۆ دامهزراندن و پاراستنا كوَمارا كوردستانێ ل باژێرێ مهابادێ، پتری یا ڤێ هێزێ بههدینی بوون، كو دبیته ئێك ژ مهزنترین دهستكهڤتێن نهتهوهیی. دهربارهی پارێزگههێن ههولێر، سلێمانی و گهرمیان چ چیاێن وان نهماینه بههدینییا خوونا خوه ل سهر نهڕشتی و بهرهڤانی ژێ نهكری، ڤێجا نزانم ب چ مهبهست سلێمانی و گهرمیان بووینه ناڤهندێن دژایهتی كرنا بههدینان و ههر لایهنێ ل ویرَێ بخازیت دهنگان بینیت دڤێت خوه ب نهیارێ مالباتهكا بههدینی و بالا دهستیا بههدینییا ل باشووری بدهته نیاسین جهێ داخێ یه!! دیسا باكوورێ كوردستانێ كو دهڤهرا بههدینان مینا پهنجهرهك و دهروازهكێ ئارام بوویه بۆ وان ههر ژ سهردهمێ شوَڕهشێن شێخ سهعید و ئێحسان نوری پاشا و تا نهوَ، گروَڤه ل سهر ڤێ چهندێ ههبوونا دههان بنگهه و سهربازگههێن پهكهكێ ل زنجیرا سنووری ێن دهڤهرا بههدینان و گههشتیه وی ئاستی لایهنێ ناڤبری خوه ب خودانێ وان دهڤهرا بزانیت!! و ب ههموو هێز و شیانا كهفتینه تێكدانا ئارامی یا دهڤهرێ و ئالوَزكرنا ژیانا خهلكی، زێدهباری دژایهتییا كرنا لایهنێن سیاسی یێن دهڤهرا بههدینان ههر جار ب بهانهكێ. دهربارهی روًژئاڤایێ كوردستانێ كو دهڤهرا بههدینان دبیته ههناسا وان ئهگهر وهسا نهبوو تاكڕهوێن روَژئاڤا پهیهده و یهپهگه دا ب تهمامی ژ ناڤ چن لێ ههر پارێزگهها دهوكێ بوویه ههموو ئاسانكاری و هاریكاری بوَ وان كری، بهلێ سهحا ههلویست و رهفتارێن وان بكه یان ئێك جار گوه بده بهرنامه یان دهنگوباسێن كهنالێن وان دێ زانی تا چ راده كهرب و كین ههیه دگهل بههدینییا ، جار گرتنا سنووری جار شنگالێ جار توركیا دكهنه بهانه. یا فهره ب رژدی ل سهر ئایدوَلوَژیا ڤان پارتان ب راوهستین و بزانین بوَچی رهوتێ نهتهوهیی دكهنه ئارمانج؟. دهربارهی دهڤهرێن برایێن مه كوردێن ئێزدی ب تایبهتی و مادێ سهد و چل بگشتی چ گومان تێدا نینه و هیچ خهمساریهك نههاتیهكرن و ههردهم دهڤهرا بههدینان پهناگهههكێ مهزن و ئارام بوویه بۆ وان و چ منهت تێدا نینه و ئهركێ مهیه، دیسا تا نهوَ ژ شنگالا سهربلند تا مهخموور و دوَبز ب شانازی ڤه بههدینی بهرهڤانیێ ژێ دكهن و خوونا خوه بۆ درێژن. لێ ب پشت راستی ڤه دهڤهرا بههدینان دێ پروَژێ نهتهوهیی پارێزیت.
