ده‌ڤه‌ردارێ ئامێدیێ: زێده‌گاڤی و ئاریشێن ل سه‌ر ئه‌ردێ مه‌سیحیان ل ده‌ڤه‌رێ نامینن
ئامێدیێ، مه‌حمود نهێلی:
قایمقامێ قه‌زا ئامێدیێ بو رۆژناما ئه‌ڤرۆ دیار كر كو لژنێن تایبه‌ت ب ئاریشێن ئه‌ردێن مه‌سیحیان ڤه سه‌ره‌دانێن مه‌یدانی بۆ هه‌موو جهه‌كی ل سنوورێ ده‌ڤه‌رداریێ كرینه و دبێژیت: هه‌ر بۆ ڤێ مه‌ره‌مێ مه دوهی 22/11/2021 ل كوچكا قایمقامیا قه‌زایێ و ب ئاماده‌بوونا رێڤه‌به‌رێن فه‌رمانگه‌هێن په‌یوه‌ندیدار، كۆمبوونه‌ك ل گه‌ل ته‌ڤایا هه‌لبژێرێن گوندێن مه‌سیحیان و كه‌ساتیێن ئایینی یێن مه‌سیحی ل سنوورێ قه‌زا ئامێدیێ ئه‌نجام دا.
وارشین سه‌لمان، قایمقامێ قه‌زا ئامێدیێ گۆت: “مه د كۆمبوونێ دا ل گه‌ل هه‌لبژێران و كه‌سایه‌تیێن ئایینی یێن مه‌سیحیان به‌حس ل چاوانیا چاره‌سه‌ركرنا ئاریشێن ئه‌ردێ مه‌سیحیان ل سه‌رانسه‌ری قه‌زا ئامێدیێ كر”.
ناڤهاتی گۆتژی: “ئه‌و لژنێن بۆ چاره‌سه‌ركرنا ئاریشێن ئه‌ردێ مه‌سیحیان هاتینه پێكئینان، سه‌ره‌دانێن مه‌یدانی ل سنوورێ هه‌موو ناحیێن سه‌ر ب قه‌زایێ ڤه دگه‌ل سه‌نته‌رێ قه‌زا ئامێدیێ ب خوه ژی كرینه و مه‌ره‌م ژێ ئه‌و بوو كو ئه‌و زێده‌گاڤی و ئاریشێن ل سه‌ر ئه‌ردێ مه‌سیحیان هه‌ین، نه‌مینن”.
