دهڤۆكیا مه!!
رێژین عهلى
زمانێ كوردى ئهو زمانه كو مللهتهك ب ناڤێ كورد پێ دئاخڤن ئانكو ژبنهمالا خیزانێن هندو ئهورۆپى یه ئهو زمانه، كو مللهتێ كورد خوه پێ سهربلند دبینن و پێشكهفتن و بهرفرههبوونا ڤى زمانى یاگرێدایه ب پێشكهفتنا وى تاكهكهسى ڤه و ئهو هۆكار و ژینگهه دهوروبهریا وى تاكهكهسی یه، چ ژلایێ میژووى ڤه بیت یان جڤاكى ڤهبیت یان جوگرافى ڤه، یان ئابووری بیت ههر ئهڤ هۆكارهنه ژى دبنه رێخۆشكهر بۆ پهیدابوونا زاراڤان د ناڤ زمانى دا، ئهڤ هۆكارێن ههنێ دگرنگن بۆ موكمبوونا زمانى و پهیدابوونا زاراڤێن جودا جودا د ناڤا زمانان دا و پهیدابوونا زاراڤان د زمانان دا و ههبوونا دیالیكتین جودا د زمانان دا نیشانا دهولهمهندی و میژوویا وان زمانان ددهته دیاركرن، زمانێ كوردى ژى ژ چهند دیالیكتین جودا جودا پیكدهێت و ههر دیالیكتهكێ دیرۆك و ههبوون و ژینگهها خوهیا جودا ههیه، ئیك ژ دیالیكتێن زمانێ كوردى پیكدئینیت، دیالیكتا كرمانجیا ژووری یهكو ب دیالیكتهكا بهرفرهه و خودان دیرۆك دهێته نیاسین كو زۆربهیا خهلكێ كوردستانێ پێ دئاخڤن و ئێك ژلقێن گرنگێن ڤێ دیالیكتێ زاراڤێ بههدینى یه كو ژمارهكا زۆر یاكوردان پێ دئاخڤن ژپاریزگهها دهۆك، زاخۆ، ئاكرێ ئامێدى و ناڤچه و دهڤهرێن دهوروبهرێن وان، حهتا دگههیته باكۆرێ رۆژئاڤایێ پارێزگهها ههڤلێریێ و گهلهك ناڤچێن دیتر بخوهڤهدگرن، یا گرنك دابهشبوونا ڤى زاراڤى نینهكا چ دهڤهر و ناڤچهدارى پێ دئاخڤن، بهلگهیا گرنگ من دڤێت بێژم و جهێ پرسیارێ نهئهرێ بۆچى ئهڤ زاراڤه دهێته كیمكرن و زاراڤێ سۆرانى ل سهر دهێته سهپاندن؟ تایبهت ل دهزگهه و كهنالێن راگههاندنێ دا دێ بینن بێژهر یان رۆژنامهڤانێ بههدینى دێ ل دهزگهههكى یان گهنالهكى بینن زاراڤێ خوه ییێ گوهۆرى ب زاراڤێ سۆرانى ئهرێ ئهڤ زاراڤه ل سهر دهێته سهپاندن یان تاكێ بههدینى بخوهیه؟ كێماسێ د دهڤۆكا خوه دا دبینت؟ یان تاكهكهسێ بههدینى بخوه شهرم ژ زاراڤێ خوه دكهت نهچار دبیت پهنایێ ببهتهبهر زاراڤێ سۆرانى؟ دێ بینن گهلهك جاران د دهمێ ئاخفتنێ دا ل گهل كهسهك زاراڤ سۆرانى دئاخڤین دێ بیژیت ئهگهر تو ب عهرهبى باخڤى دێ باشتر تهگههم ئهرێ بۆچى وه ل ڤى زاراڤى بهێت بهرسڤهك ب ڤى رهنگى ل بهرامبهر بهێتهدان؟ بۆچى زاراڤێ بههدینى ب دیرۆك و پیرۆزی و دهستكهفتێن خوهڤه تاكه كهسێ وێ شهرم بكهت ب ڤى زاراڤى باخڤیت و پهنایێ ببهته بهر زاراڤهكێ دیتر، لێ دێ بێژین زاراڤێ بههدینى ژى ههر وهك دهڤهرێن خوه یێن پشتگوه ڤه هاڤێته حهتاكو وهلێ بهیت ب زاراڤهكێ لاوهكى بهێته بهریێ خودان ژ لایهكێ دیتر ڤه، نهبوونا زمانڤان و كهسێن شارازا د وارێ زمانێ دا كو خوه ل ڤى زاراڤى بكهن خودان و بهرهڤانیێ ژێ بكهن، ئهڤه ژى خالهكا دیتره كو ببیته رێخۆشكهر زاراڤێ مه ب كێمى بهێته بهریێ خوهدان كو وهلمه بهێت ههردهم ئهم دووڤهلانك بین و مه ماف نهبیت بهرهڤانیێ ژ ڤى زاراڤى بكهین و د ئهنجامدا ئهم فێرێ تهپهسهریێ و كێمكرنێ بین د ههمى تشتهكێ خوهدا ببین.
