دوارێ دیزاینێ دا مرۆڤ ناگه‌هیته خالا دووماهیێ
ئه‌ڤرۆ، عه‌لی حاجی:
هه‌وار ئیبراهیم، ئێك ژ گه‌نجێن باژێرێ دهوكێ یه د گرافیك دیزاینه‌رێ دا كار دكه‌ت د دیداره‌كێ بۆ روژناما ئه‌ڤرۆ دیاركر كو جیهان یا به‌ر ب كارێ دیزاینێ ڤه دچیت و پێدڤی یه ل سه‌ر هه‌موو كه‌سه‌كی خوه فێری وی كاری بكه‌ت چنكو ئێدی هه‌موو جه دێ پێدڤی ب گرافیك دیزاینه‌ران بن.
هه‌وار گۆت: به‌ری سێ سالان ب شێوه‌یه‌كێ نه‌چاڤه‌رێكری ب رێیا به‌رنامه‌كێ من هنده‌ك وێنه ده‌ست كاری كرن و هێدی هێدی ئه‌ز ب وی كاری ڤه هاتمه گرێدان و پشتی بۆرینا ساله‌كێ ئه‌و هزر بۆ من دروست بوو كو پێدڤی یه كارێ گرافیكیێ بكه‌م، له‌وما من خوه فێری وی كاری كر و هه‌تا نوكه یێ به‌رده‌وامم، ئه‌و كه‌سێن نێزیكی من ئه‌ڤ نه دكرن له‌وما من ب شێوه‌یه‌كێ نه‌چاڤه‌رێكری ئه‌ڤ كاره كر و هه‌ر چه‌نده من چه‌ند خوله‌ك ژی ڤه‌كرینه به‌لێ ئه‌ز دبینم پێدڤی یه هێشتا خوه فێر بكه‌م، ژبه‌ركو ئه‌ڤ كاره یێ به‌رفره‌هه و چو جاران مروڤ ناگه‌هیته خالا دووماهیێ، ل كوردستانێ مه سێ شێوازێن دیزاینه‌ران ل كوردستانێ هه‌نه، كه‌سه‌ك هه‌یه بتنێ كارێ دیزاینه‌ریێ دكه‌ت و كری یه ژێده‌رێ ژیانێ بۆ خوه و كه‌سه‌كێ دی بتنێ دشێت كورسان بێژیت و یێ زیره‌ك نینه د دیزاینه‌ریێ دا و كه‌سێ دی ژی ئه‌و جۆره یه دشێت كورسان ژی بێژیت و د وارێ دیزاینه‌ریێ ژی دا یێ شاره‌زایه و ئه‌و كه‌سێ سیێ ئه‌ز خوه ژ وی جۆری دبینم، و ب دیتنا من ل كوردستانێ گرافیك دیزاینه‌ر به‌ر ب پێشڤه چوویه و پێدڤی یه هه‌موو خوه فێری گرافیكی بكه‌ن، ژبه‌ركو ئه‌ڤ كاره به‌ر ب پێشڤه چوویه و د پلانا من دایه ببمه سه‌رپه‌رشتێ سۆشیال میدیایێ یێ كۆمپانیه‌كا مه‌زن.
