دواناوەندی یا برایەتی هێلـینا ئاڤاكـرنا شۆرەشگێرا بوو
دیدار، سالار محەمەد دۆسكی:
4-5
ل سالا 1976 كاسێتێن (شڤان پەروەر) گەهشتنە دهۆكێ و ب رێكێن نهێنی ئەو كاسێت مە داف ئێكو دو و دەمێ مە گوهداری در ئێكجار ئەم گەرم دبووین و هەر مە هزر نەدكر رژێمەكا هەی بناڤێ رژێما بەعس و ئەڤە هەمی بوونە ئەگەر قوتابی زێدەبوون و مامۆستایێن مە ژی ئاگەهـ ژبزاڤ و چالاكیێن مە هەبوون بەلێ دەی نەدكر و بتنێ شیرەت مەدكرن چونكە ئەو ژ مە مەزنتر بوون و ئەوا زولم و زوری یا بەعسی یا دیت بوو، هەمی رێكخستیێن برایەتی كور بوون و مە نەدڤیا كچ بهێنە دناڤا رێكخستنێ دا چونكە مە دگۆت ئەگەر رۆژەكێ بهێنە دەستە سەركرن ژی بلا مە هەمیان بگرن و سێدارە بدەن و بلا كچ ل گەل مە درێكخستنێ دانەبن و بتنێ بۆ چالاكیان ل گەل مەبوون، سالا 1977 ل هەیڤا سێ ئاهەنگا نەوروزێ دانا دەڤ دێرا بەرانی بەرامبەر لیوایێ كو ل جهێ سوپرماركێتا نوكە یا مازی بوو و چادر هاتنەڤەدان و خەلكێ دهۆكێ هەمی هات و ئاهەنگا گشتی بوو و بەرپرس و پارێزگەر و چەند برپرسێن حزبا بەعس بەرهەڤی ئاهەنگێ بوون و ئەو بن چادرا بوون و ئەم هێرڤەتربوون و ستران بۆ دهاتنە گۆتن بیرا من ناهێـت نوزا (پەیمان، رزگار كێستەی یان رێڤینك هروری) بوو و رێكخستی بوون و نە رێكخستیێن مە بوون و دەستەكێ دهول و زرنایێ بر و خوە ڤەدەركرن ژ ئاهەنگێ و خوە جوداكرن و هەر هەمی قوتابی لێ كۆمبوون و هەمی دەردورێن زرنایێ كۆمبوون و خەلكێ دهۆكێ هەمیان ئاهەنگا بەعسیا هێلان و هاتن ل دهۆل و زرنایێ كۆمبوون و سەقا گەهشتنە گەرماتیا كوردینیێ و ئێكسەر بەرپرسێن بەعیسا رەڤین و ئاهەنگ هێلان و پارێزگەر و هەر هەمی وچوون و ئەم ب وێ گەرماتیێ و دهۆل و زرنایێ ڤە گەهشتینە دەرێ لیوایێ و ئێدی بۆ خوپیشاندان و خەلك كەفتە گەل مە و دروشم هاتنە گوهارتن (برنو رەقم 17 نیشانا پێشمەرگەیە) و (كوردستان دەوروبەرە و نیشانا مە خەنجەرە) و ئەم بدیف ئێك كەفتین و كەفتینە سەرجادا هەتا بنگەهێ پولیسان هاتین و كەسەكێ وێنەدگرتن بۆ ئاهەنگێ و ئێكسەر من گۆتە هەڤالان خوە ڤەدەن و خوە دیر بێخن و ئەم گەهشتیە دەرگەهێ دەرمانخانا (سەعد) وێرێ ئەم ب ترۆمبێل و ماتورا كەتنە دناڤا خوپیشاندانێ و بژالەكر و هەر كەسەك بخوە رەڤی و ئەم ب دووماهی هاتین و بیرا من دهێت پیرەمێرەكێ 70 سالیی بەرا گەنجان كەفت بوو و خوە دهلاڤێت و دروشم دگۆتن و بەری گەنجان كەفت بوو و رۆژا دووڤ دا چووینە قوتابخانێ و هەر ئێك ژ مە گوهێ ویێ ل سەر هزرێن وی دێ چ چێ بیت و دێ چل مەكەن و ئەم هەمی یێ ترسین و مە دیت ترۆمبێلێن ئەمنێ هاتن و ئەم هەمی قوتابی برینە گورەپانا قوتابخانێ و كەسەكێ ئەمنێ هەبوو بناڤێ (ئەحمەد مەندول) پەیڤەك پێشكێشكر و هەر چ دەڤیرا هات وی گۆت و گەفكرن و ئاخفتنێن كرێت گۆتنە كوردا و دێ هەوە سێدارەدەین و خوپیشاندان قەدەغە نە و گۆت ئەڤە دووماهی جاربیت و جارەكا دی تشتەكێ دی بڤی رەنگی دروست بیت دێ هەوە سێدارەدەین و گۆت هەر كەسەكێ كوردایەتی دلی دا ئەڤە چیا بلا بچیت و چوون و ئەڤە ئێكەم خوپیشاندان بوو پشتی نسكۆیا سالا 1975ێ ل سەنتەرێ دهۆك دروست بووی و ئاهەنگ هاتە تێكدان و خوپیشاندان دروست بوو و چەند جارێن دی ژی دەست پێكرن لێ نە ب ڤی رەنگی بەلكو سڤكتربوون، هەتا 18/2/1979 ئامادەیا برایەتی ئاهەنگەك گێرا وی دەمی گەهشت بووینە قوناغا شەشێ و ئەو دو رۆژ بوو كومەكا بەلاڤووكا هات بوون گەهشت بوونە دەستێ من و من رادەستی دەستێ (فەهیم عەبدوللا حەمو) كربوون و مە بەلاڤەكرن و رۆژەكێ دهێنە قوتابخانێ و عامودەك نێزیكی قوتابخانێ یە وەكی مێشێ قوتابی ل دەردورێن عامودێ كۆمبووینە و برایێ من (عبدولرحمان) ژمن بچوویكتر بوو و گۆت برا ئەڤە چیە دخوین كا دەق دا بخوینم من گۆتێ وەرە ژێڤەبە ئەو كاغەزا چاندنێ یە و بهایێن فێقی نە، كاغەز چ بوو كونگرێ (9) ب دووماهی هاتیە یێ پارتی دیموكراتی كوردستان و ناڤێن ئەندامێن لژنا مەركەزی و مەكتەبا سیاسی هەمی تێدا هاتینە و ئەڤە بۆ رێكخستنێ هاتینە و رێكخستنێ ژی ئەو ناڤ بەلاڤەكرینە و ئەڤە ئەنجامێ كونگرەی یە و 30 خولەك بوورین و مە دیت ترۆمبێلێن ئەمنێ هاتن و ی دەمی مە ب چ رەنگا نەهێلا هەر بەلاڤووكەك یان هەر تشتەكێ هەبا مە نەهێلا ئەندامێن رێكخستنێ ل برایەتی ب دەستێن خوە بنڤیسن و زێدەتر مە دگۆتە رێكخستیێن خوە ل (كاوە) بنڤیسن دا نڤێسینا دەستێ مە نەهێـە ئاشكراكرن و زحمەت بوو ئەمن هەمی قوتابخانا پشكنین بكەت و ئەم هات و ێنە بۆ گرتن و هەر هەمی دراندن و چوون و جارەكادی هاتنە قوتابخانێ و هەڤالەكێ من هات نوكە چوویە بەردلوڤانیا خودێ ناڤێ وی (بدیع) بوو و گۆت ئەحمەد ئەڤە من شڤێدی ئێخستینە ڤێ عامودێ و گۆت من كوپیكرینە و من گۆتێ ئەم ئاشكەرابووین تە چەوا كوپیكرینە؟ من گۆتێ هزر كە كوپیەك بۆ ئەمنێ هاتیە بلندكرن و ئەو هێلەكا دی یا رێكخستنێ بوو و ب رێكا (عادل كوڤلی) مە ئێك و دو نیاسی وی دەمی قوتابی ژی دگەرم بوون و ئێكی بۆ ئێكی دی خوە دانیاسین و ئەم چووینە دناڤا پولان دا و ئێكسەر ئەمن هات و دەست ب گەفاكرن و بەری مە هندەك بربوونە ئەمنێ و دووڤ دا ئەم لژنا قوتابیان ل قوتابخانێ برینە ئەمنێ و گۆت دڤێت ئەڤا ناڤا بوومە ئاشكرابكەن و مە گۆتێ هەر دەمێ مەزانی مە گۆتە هەوە ئەزبووم (فەهیم، براهیم مستەفا) ئەم هەم رێكخستی نە و هەم لژنا قوتابخانی نە و دووڤ دا كاك (بدیع) هاتە دەستەسەكرن، ئاهەنگا 18 شواتێ مە ل قوتابخانێ دانایە و قوتابی گەلەك گەرم ئەم هاتینە نێزیك محلا قەرەچان هەڤالەكێ مە گەهشتە من و گۆت خوە قورتال بكە و ئەم ئاشكەرابووینە و قوتابیێ شەشێ بووم و (سەربەست و جەمیل) ئەو ل خانا مامۆستانە و (قادر قاچاغ) ل ناڤنجیێ نە و ئەز ل سەربەست گەریام و مالا وی ل بنداڤەكێ بوو ل تاخێ شێلێ وپێشتر ئەو بارەگایێ مەبوو و من سەربەست ل گەلی دیت و من گۆتێ ئەم ئاشكرابووین و هەڤالێن مە هاتینە گرتن(بدیع، عادل، سەعدوللا ئاڤدەل، عەبدولباست و موردار و جەمیل بێسفكی) هاتنە دەستەسەركرن و هەر وێ شەڤێ هاتمە ئاشكراكرن و ئەژی رەڤیم و نەچوومە مال وشنی مالا مە زانی ئەز رێكخستیێ پارتی دیموكراتی كوردستانم و ئەمن چوو دەرێ مال وێ شەڤێ بەرزەبووم و هاتمە مالا خالەتا خوە ل بەرۆشكێ و بەری وێ شەڤێ ب رەڤم چوومە دەف (عزەت فندی) و من خاترا خوە ژێ خواست و من گۆتێ ئاشكرابووم وێ شەڤێ ئەز و سەربەست بابیری گەهشتینە ئێك و چووینە مالەكێ و ئەمن هاتە دەرێ خانی و هەڤالەكێ مە گرت و ئەم رەڤین و بارانەك دهات و كولانا تاری بوو و تەقە ل مەكر و مە خوە هاڤێتە كولانێن دی و بتنێ هندەك خانی بوون و چوول بوو و ئەم ب سەركەفتین بۆ گژە بەرا و ئەم چووینە مالا مرۆڤەكێ كاك سەربەست دگۆتنێ (محمید) گۆت روینە خوار و دێ رحا خوە دانمە سەر رحا هەوە و سپێدێ مە خواترا خوە ژێ خواست و سەربەست چوو بۆ پشتا بەنداڤا دهۆكێ.
