دواناوەندی یا برایەتی هێلینا ئاڤاكرنا شۆرەشگێرا بوو
دیدار، سالار محەمەد دۆسكی:
3-5
هەمان پێشمەرگەیێ شۆرەشا ئیلونێ ئەو ژی گۆت: ل سالا 1976 گەلەك مرۆڤ هاتنە دەستەسەركرن ژلایێ حوكمەتا بەعس ڤە ل دهۆكێ و گەلەك ئەشكەنجەدان و ل دووماهیێ هندەك دادگەهێن شكلی پێكرن و سێدارەدان، بڤێ كریارا حزبا بەعس لاوێن كورد نەراوستیان و زێدەتر خوین گەرم بوون و هەست و ڤیانا كوردینیێ زێدەتر دناڤا خەلكی دا گەش بوو و ئاڤا بوو، ل دەسپێكا سالا 1977 رێكخستنێن پارتی دیموكراتی كوردستان گەهشتنە دناڤا باژێرێ دهۆكێ دا، هەیڤا سێ ل سالا 1977 رێكخستنێن پارتی دیموكراتی كوردستان گەهشتنە دناڤا ئامادەیا برایەتی، ئەز و (ڤەهیم عەبدوللا حەمو) هەڤالێن ئێكێن سەرەتایی بووین و ل گەل ئێك دابووین و گەلەك ل گەل ئێك دبستەه بووین، رۆژەكێ گوتە من دا بچینە پیاسەكێ و ئەم چووینە نك تانكێن گرێ باسێ و بنێ ئەو تانك وێرێ بوون و ئەو عەرد هەمی چوول بوو و كەسەك وێرێ نەبوو و گۆت حەزدكەم ببینە پارتی، من گۆتێ چەوا دێ ەهینە رێكخستنێن پارتی دیموكراتی كوردستان؟ وی گۆت ئەز پارتی مە و بەرپرسێ مە بێژنێ (ئلیاس حاجی پیرۆمەری) شانا مە ئاشكرا بوویە و بەرپرسێ شانامە گەهشتیە دناڤا پێشمەرگەی دا چونكە ئاشكرابوون و مە دڤێت جارەكا دی رێكخستنا خوە گەش بكەین و ئاڤا بكەینە ڤە، ئەز و براهیم مستەفا ب رێكا فەهیمی بووینە پارتی و ئەم هەرسێ بووینە شانەكا رێكخستنێ ل ئامادەیا (برایەتی) ئەم گەهشتینە ئێك و دو و هێدی هێدی ئەو هەڤالێن مە باوەری پێ دهێت مە ل گەل خوە رێكخستن و هەر مە زێدەكرن وەك (عەبدولباسد، موردار) ئەڤە هێلەك بوونن (قادر قاچاغ، حسێن بێسفكی، جەمیل بێسفكی، سەربەست بابیری، عادل كوڤلی) ئەڤە هێلەكا دی یا رێكخستنێ بوو، چەوا ئەم گەهشتینە ئێك؟ وی دەمی ئەم شیاین دو شانێن سەرەكی دروست بكەین ل برایەتی وی دەمی قوتابیێ قوناغا چارێ پێنجێ ئامادەیی بووم و قادر قاچاغ ئەوە ل قوناغا ناڤنجی بووین و ئەو ل مانگێشكێ هاتبوونە رێكخستن ئەو ژی (غەفار، شڤان كوڤلی، حسێن بێسفكی، جەمیل بێسفكی، عادل) وی دەمی من و سەربەست بابیری ئێكو دو نیاسی رۆژەكێ ئەم ل گەراجەكی بووین محلا قەرەچا نوكە بوویە نەخوشخانە و گۆت وەرە ببینە پارتی چونكە زانی ئەم یێ بزاڤا دكەین و كەسەك ژ مە خوە ب ئێك و دو نەتینا دەرێ و نهێنی بوون، گەلەك ما ب من ڤە گۆت ببینە پارتی، من گۆتێ كاك سەربەست دێ چەوا بینە پارتی ؟ ئەم كیڤە حزب كیڤە؟ چونكە وی زەمانی گەلەك یا بزحمەت بوو باوەری یا مرۆڤی وەك هەڤال ب ئێك و دو بهێت و ئەم هەر دو حزبی بوون، بەلێ من نەزانی هەلویستێ سەربەست بابیری چیە، وی گۆت دێ بووتە تشتەكی بێژم كاك ئەحمەد نڤیسارەكا لقێ ئێك یا سەركردایەتی یا بەروەخت نیشامن دا و مورا مەكتەبا سیاسی ل سەر وێ كاغەزێ بوو، ئەم هاتینە جهێ نەخوشخانا گەلی وی دەمی ئەو عەرد هەمی چوول بوو، سەربەست گۆت: ئەم دو شانێ، سەرەكی نە و نێزیكی 20 قوتابیان ل گەل مە هەنە ل برایەتی و رێكخستی نە و من گۆتێ ئەم ژی رێكخستی نە و مە باوەری ب ئێك دو هات و مە هەر دو رێكخستنێن خوە كرنە دناڤ ئێك دا و مە كرە رێكخراوەك بناڤێ رێكخراوا (شەفەق) و (مستەفا مزیری) كادرەكێ چالاكێ پارتی بوو ل دەڤەرا دۆسكیا بوو و هەمی رێكخستن سەر ب وی ڤە بوون و (سەربەست بابیری) بوو بەرپرسێ رێكخراوێ و ئەز و عادل كوڤلی بووینە ئەندامێن رێكخراوێ و (سەعدللا ئاڤدەل و عەبدولباست، موردار) بوونە شانێن بنەكی و سەرەكی و (21) شانێن حزبی مە دروستكرن و هەر هەمی قوتابی و هەر هەمی كور بوون و مە دەست ب چالاكیان كر و رۆژانە ئەندامێن رێكخستنێ ل سەر دیواران نڤێسی و ترۆمبێلێن ئەمنێ دهاتنە قوتابخانێ و هەمی دروشم بوون دژی حزبا بەعس و ی دەمی قوتابخانا مە كەفتە بن چاڤدێریەك چر یا حزبا بەعس وی دەمی ئەم بووینە لژنا قوتابیان (ئەحمەد مەلا قاسم، فەهیم، پائیز، براهیم مستەفا) بەری مە كاك (عزەت فندی) و هندەكێن دی لژنا قوتابیان بوو و ئەز و كاك (عزەت فندی) ل ئێك پول دابووینە، ل ڤێ قوناغێ مە دەست ب چالاكیان كر وی دەمی لژنا ئێكەتیا قوتابیان هەبوو بناڤێ ئێكەتیا قوتابیێن كوردستانێ و هەر هەبوو و هەر قوتابخانەكێ لژنەك هەبوو و بەری مە كاك (عزەت فندی) وا بەلاڤووك دەرتێخست هەیڤانە بناڤێ (كوردستان) پشتی كاك (عزەت) وا ئەم چووین و مە ئەو بەلاڤووك دەرتێخست و ئەڤ هەمی پاراستی نە ل دەف (د.عزەت فندی) دیسا جورەكێ دیێ چالاكیان بەلاڤكرنا بەلاڤووكا بوو دناڤا دهۆكێ دا و جورەكێ دیێ كارێ مە ئەنجامدانا هەلكەفتا بوون و هەر قوتابیێ برایەتی تەدیتبا یێ هوزانان نڤیست و هەر هەمی ب بوونە هەلبەستڤان و هندی گڤاشتن ل سەر مەبوون هەر هەمی قوتابیان ب هەلبەستێ دەربرین ژ ئێش و ئازارێن گیانێ خوە دكر و ئەڤە ل هەلكەفتان دهاتنە خواندن و زێدەباری مە ل سەر دیواران نڤێسا و ئەم چووینە كورێن هەلبەستان و مامۆستایێن مە گەلەك بهێز بوون وەك(كەریم فندی، عبدلرحمان مزیری) وی دەمی مە سێ كچ هەبوون زێدەتر ئەوا ئاهەنگ ب رێڤەدبرن ئەو ژی (نیهات عەبدولرحمان، بێریڤان رەشید، بێریڤان شەعبان) كچان سەبریا هەكاری، ئەڤان هەرسێ كچان رۆلەكێ مەزن ل برایەتی هەبوو و هەلبەست خواندن و ب جلكێن كوردی و سەیرانا و دەردورێن دهۆك و دەوات و هەر هەمی ب كوردی ڤە دگرێدای بوون و هەلبەستڤانێن مە (محفوز مایی، سەعدوللا ئاڤدەل، عیسا زێوەی) هەلبەست خواندن و هەستەكا نەتەوایی دەف قوتابیان دروست بوو وەك شۆرەشەكا رەوشەنبیری هەمی یا پەرتووك و رۆژنامە خواندن و هەمی ب هزر و ڤیانێن مللەتی وەلاتی ڤە مژوویل بوون و گەشت و ئاهەنگا دا قوتابیان بینی دەرسوك وشەل و شەپك و ساق و چوخك گرێداینە و كرینە بەرخوە و دا ڤیانا خوە بۆ كوردستانێ دەربریت و كچ و كور و زێدەتر گەشتێن مە ل ئەتریش و ئاكرێ و چەندین دەڤەرێن دی بوون، وی دەمی برایەتی وەك كەلهەكا كوردایەتیێ لێ هات و ئێدی چاڤێ هەمی خەلكێ دهۆكێ ژی ل سەر برایەتی بوو و ئەمنا دهۆك هەمی سەنگ و فوكسا خوە ئێخستە سەر برایەتی و زێدەتر دیفچوون و چاڤدێری ل سەر برایەتی كر و رۆژانە دهاتن و پول و پول داچن و تۆمار بەلاڤەدكرن و تەڤێت نەڤێت دێ بیە حزبی و ئەڤە سەقایێ برایەتی بوو بەرامبەر ڤێ رژێما گور بە گور و رۆژانە چەند گەنج یێ دهۆك دهێنە سێدارەدان و هەر كەسەكێ هاتبا سێدارەدان وێ رۆژێ زێدەتر هەستا نەتەوەیی بەرامبەر رژێمێ زێدەدبوو و بڤی رەنگی مە كۆمبوون ئەنجامدان ل بەرۆشكێ و بناڤێ خواندنێ ئەم دهاتینە بەرۆشكێ و مە كومبوونێن خوە ئەنجامدان و داهین بەرنامێ خوە دانین وی دەمی خێزانێن مە ئاگەه ژ ئەڤان بزاڤ و رێكخستنێ، مە نەبوو و بتنێ ئەم ئەف هەڤال بووین و دووماهی رێكخستنا مە گەهشتە (63) قوتابیان دناڤا برایەتی دا و رێكخستن دناڤ هەمی باژێری دا هەبوو لێ زێدەتر فوكسا مە ل سەر برایەتی بوو و رێكخستنێن مە دناڤا قوتابخانێن (كاوە، مەم ئالان، پیشەسازی یا دهۆك) ژی هەبوو و بەلاڤووك ب رێكا (مستەفا مزیری) دگەهشتە مەو جارەكێ رۆژناما (خەبات) بوومە هات.
