دوباره‌بوونا بارزانی پێدڤیه‌كا سه‌رده‌مانه‌یه
ل ناڤ هه‌می ملله‌ت و ده‌وله‌تێن جیهانی َ دا به‌رژه‌وه‌ندیا ملله‌تی و سه‌روه‌ریا وی ل سه‌رهه‌می به‌رژه‌وه‌ندیێن حزبی و كه‌ساتیێن وی ملله‌تی گرنگتره، ئه‌ڤجا ب هه‌ر رێیه‌كا هه‌بیت پَیخه‌مه‌تی ئازادی و سه‌روه‌ریا وی ملله‌تی دڤێت قوربانی بهێنه‌دان ژ گه‌له‌ك لایه‌نان ڤه‌بوو هندێ رۆژه‌ك بهێت به‌رهه‌مێ ڤێ قوربانیدانێ ب هه‌ره‌وه‌ی نه‌چیت و ده‌ستكه‌فتێن مه‌زن بده‌ستڤه‌بهێن، د بارودۆخه‌كێ وه‌ك ئه‌ڤێ نوكه كوردستان تێدا ده‌ربازدبیت ئه‌ڤ قه‌یرانێین ئیك ل دووڤ ئیك كوردستان تێدا ده‌رباز دبیت درێژه‌پێدانێن وان هه‌می نه‌خۆشی و ئازارانه‌یێن كو ملله‌تێ كورد ب درێژاهیا دیرۆكا خوه ب ده‌ستێن دوژمن و ملله‌تێن ده‌وروبه‌رێن خوه و هه‌ڤسنۆرێن خوه دیتن، لێ هه‌ر كاودانه‌كا نه‌خۆشا ڤی ملله‌تی دیتی كوردان ب هه‌لۆیسته‌كێ خۆراگرانه به‌ره‌ڤانی ژ خوه كریه و ل به‌رامبه‌ر راوه‌ستاینه و ئه‌ڤ خۆراگریه ژ هه‌بوونا سه‌رۆكه‌كێ خۆراگر په‌یدابوویه، له‌ورا هه‌تا نوكه كوردان گه‌له‌ك ده‌ستكه‌فتێن زێرین بده‌ستخوه‌ڤه ئیناینه، دوباره‌بوونا سه‌رۆكی كوردستانێ بۆ پۆستێ سه‌رۆكاتیێ د كاودانێن ئه‌ڤرۆ دا دڤێت رازیبوون و ئه‌ركه‌ك بیت ل سه‌ر ملێن هه‌ر لا یه‌نه‌كێ كو ئه‌ڤرۆ د ڤێ ئازادیێ و سه‌ربه‌خوی دا دژین، چونكی خه‌باتا سه‌رۆكی ملله‌ت و دیرۆك ل سه‌ر دیده‌ڤانه نه‌خاسمه د ڤان كاودانێن دووماهیێ یێن ملله‌تێ كورد تێدا ده‌ربازبووی، ل ناڤ دیرۆكا ژ دوور و نێزیك نموونه‌ێن به‌رچاڤ هه‌نه وه‌لاته‌كێ وه‌ك ئه‌مریكا دا به‌روڤاژی سیسته‌مێ سیاسیێ ئه‌مریكی سێ جاران ل دووڤ ئیك سه‌رۆك (رۆزفلت) بۆ سه‌رۆكاتیا ئه‌مریكا هه‌لبژارت، چونكی ل سه‌رده‌مێ ویلایه‌تا وی ئه‌مریكا لایه‌نه‌كێ سه‌ره‌كی بوو ل ناڤ جه‌نگێ جیهانی یێ دوویێ دا و یا باشتر و د به‌رژه‌وه‌ندیا ملله‌تی دا هه‌لبژارت ئه‌و ژی به‌رده‌وامبوونا سه‌رۆكی بوو د پۆستێ سه‌رۆكاتیێ دا هه‌تا كو جه‌نك ب دووماهی هاتی، له‌ورا یا پێدڤی یه و ئه‌ركه ئه‌م ئه‌ڤرۆ ڤێ چه‌ندێ ل به‌رچاڤوه‌ربگرین كه‌ساتیه‌ك وه‌كو سه‌رۆكی خودان دیرۆك و سه‌ربۆر د رێڤه‌برنا سه‌رۆكاتیێ دا دێ گه‌له‌ك ده‌ستكه‌فتێان پارێزیت گومان تێدا نیینه ئه‌ڤ ده‌ستكه‌فتێن مه‌زن ژ به‌رهه‌مێ ره‌نج و خه‌مخۆریا سه‌رۆكی بووینه ودوباره‌نه‌بوونا سه‌رۆكی د پۆستێ سه‌رۆكاتیێ دا رێخوشكرنه بۆ دوژمنێن ملله‌تێ كورد بوو ژ ناڤبرنا هه‌می وان هیڤی و ده‌ستكه‌فتان یێن كو ملله‌تێ كورد هزاران شه‌هیدبوو داین د دریژاهیا دیرۆكا خوه دا و هه‌تا ڤی سه‌رده‌می ژی قوربانیان بوو دده‌ن.
