دوباره
ژ نڤیسینا: لیدیا دێیڤیس
وه‌رگێران ژ ئینگلیزی: شه‌مال ئاكره‌یی
میشێل بۆتۆر Michael Botor دبێژیت، گه‌شتكرن نڤیسینه، داكۆ گه‌شتێ بكه‌ی ئانكۆ دا بنڤیسی. چێدبیت ئاخفتنا خوه به‌رفه‌رهتر بكه‌ین: تو دنڤیسی ئانكۆ تو گه‌شتێ دكه‌ی، كۆ تو دنڤیسی ئانكۆ تو دخوینی، كۆ تو د خوینی ئانكۆ تو یێ دنڤیسی، كۆ تو دخوینی ئانكۆ تو یێ گه‌شتێ دكه‌ی. لێ جۆرج شتاینه‌ر George Steiner دبێژیت، داكۆ تو وه‌رگێڕانێ بكه‌ی دڤێت تو بخوینی ژی، كۆ تو وه‌رگێڕانێ دكه‌ی دڤێت تو بنڤیسی، و داكۆ بنڤیسی دڤێت تو وه‌رگێڕانێ بكه‌ی، و داكۆ بخوینی دڤێت وه‌رگێڕانێ بكه‌ی. له‌وڕا ئه‌م دكارین ببێژین: داكۆ وه‌رگێڕانێ بكه‌ی دڤێت گه‌شتان بكه‌ی، و داكۆ گه‌شتان بكه‌ی دڤێت وه‌رگێڕانێ بكه‌ی. داكۆ توره‌یێ گه‌شتان وه‌ربگێڕی، بۆ نموونه، دڤێت تو توره‌یێ گه‌شتان ب خوینی، داكۆ توره‌یێ گه‌شتان بنڤیسی، و داكۆ توره‌یێ گه‌شتان ب خوینی، ئانكۆ بنڤیسی و گه‌شتان بكه‌ی، و چونكی تو یێ وه‌ردگێڕی ئانكۆ تو یێ دخوینی، و چونكی تو توره‌یێ گه‌شتان دنڤیسی، یانكۆ تو یێ توره‌یی گه‌شتان دخوینی، و چونكی تو توره‌یێ گه‌شتان وه‌ردگێری، و داكۆ بخوینی ئانكۆ تو یێ وه‌ردگێڕی، و داكۆ وه‌ربگێڕی ئانكۆ تو یێ دنڤیسی، و داكۆ بنڤیسی ئانكۆ تو یێ گه‌شتان دكه‌ی، و داكۆ بنڤیسی ئانكۆ تو یێ دخوینی، و داكۆ بخوینی ئانكۆ تو یێ دنڤیسی، و داكۆ ب گه‌شتان راببی ئانكۆ داكۆ وه‌رگێڕانێ بكه‌ی؛ و داكۆ بنڤیسی ئانكۆ جاره‌كا دی ژی هه‌ر بنڤیسی، و داكۆ بخوینی ئانكۆ دا جاره‌كا دی ژی هه‌ر بنڤیسی، ژ ڤێ چه‌ندێ پتر، تو ده‌ما دخوینی ئانكۆ تو یێ دخوینی، لێ د هه‌مان ده‌م دا تو یێ ب گه‌شتان رادبی، ژ به‌ركۆ تو گه‌شتان دكه‌ی ئانكۆ ئه‌وا هاتیه وه‌رگێڕان تو یێ دخوینی، له‌وڕا تو دخوینی؛ ئانكۆیا خواندنێ وه‌رگێڕانه، له‌وڕا گه‌ره‌كه تو بخوینی و بخوینی و بخوینی.
ره‌نگه ژ بۆ وه‌رگێڕانێ گه‌نگه‌شه ب خوه ژی دهێته ئه‌فراندن، و گه‌شتكرن و نڤیسین ژی.
لیدیا دێڤز Lydia Davis: ل 15ێ ته‌موزا سالا 1947ێ ل ویلایه‌تا ماساشۆسیتس ل ئه‌مریكا Massachusetts, US هاته سه‌ر دونیایێ.
هه‌ر چه‌نده لیدیا دێیڤز رۆمان ژی نڤیسینه و چه‌ند كارێن وه‌رگێڕانێ ژی بۆ سه‌ر زمانێ فره‌نسی ئه‌نجامداینه، لێ پتر ب نڤیسینا چیرۆكا گه‌له‌ك كورت ناڤوده‌نگیه‌كا باش وه‌رگرتیه.
دێیڤز، د پێڤاژوویا خوه یا ئه‌ده‌بی دا، پتر ژ 14 خه‌لاتان وه‌رگرتینه و ژ گرنگترین وان خه‌لاتان، ل سالا 2013ێ خه‌لاتێ بۆكه‌ر ب ده‌سڤه‌ئینایه و ل سالا 2020 ژی خه‌لاتێ په‌نا مالامۆد PEN/Malamud Award وه‌رگرتیه.
ژێده‌ر:
http://maxima-library.org/year/b/289330?format=read
https://en.wikipedia.org/wiki/Lydia_Davis
