دوبارە ڤاڤارتن بۆ دەنگێن حەفت وەستگەهان ل دهۆكێ دهێتە كرن
خالد عەباس، بەرپرسێ ئوفیسا دهۆكێ یێ كۆمسیۆنا بلندا سەربخوە یا هەلبژارتنێن ئیراقێ ئاشكرا كر، دەنگێن حەفت وەستگەهان ل دهۆكێ نەچووینە بەغدا و دێ دوبارە ڤاڤارتن بۆ هێتەكرن، بەلێ چو گوهۆڕینان ل سەر ئەنجامێن هاتینە راگەهاندن ناكەت.
ناڤهاتی گۆت: «ئەنجامێن وان حەفت وەستگەهان ل سەر ئەنجامێن بەرایی نەهاتینە زێدەكرن، ئەوێن ژ لایێ جڤاتا كۆمیساران ڤە هاتینە راگەهاندن، ژ بەركو هندەك كێشە هەبوون، لێ ب بەرهەڤبوونا نوونەرێن لایەنێن سیاسی ڤاڤارتن بۆ وان وەستگەهان دهێتە كرن و ئەو ژی بۆ جڤاتا كۆمیساران ل بەغدا دێ هێنە هنارتن، داكو ل سەر ئەنجامێن دی بهێنە زێدەكرن».
وەكو دیار ل رۆژا ئێكشەمبی 20/10/2024 هەلبژارتنێن خولا شەشێ یا پەرلەمانێ كوردستانێ هاتنە كرن و ل سەر ئاستێ هەرێما كوردستانێ پارتی سەركەفتیا ئێكێ یە.
