دوبه‌ره‌كیا سه‌ره‌ده‌ریێ ل گه‌ل تشتێ دبێژنێ تیۆڕا پیلانگیریێ
هه‌ر ژ ده‌مێ هزرا سوشالیستی و نه‌ته‌وی ب رێیا هنده‌ك حزبێن شۆڤێنی ده‌سهه‌لات وه‌رگرتی ل چه‌ندین وه‌لاتێن دبێژنێ جیهانا سیێ، بیردۆزا پیلانگیریێ ده‌ركه‌فت (نڤریه المۆامره) و ئێدی دهۆلێن وان حزبن هاتنه لێدان بۆ هندی جهێ هه‌بوونا خوه خۆشكه‌ن كو بمیننه ل سه‌ر ده‌سهه‌لاتا حوكمرانیێ و دخواستن شه‌رێ وان بكه‌ن یێن تێكدانا وان دكه‌ن، پش هینگی هزار پیلانگێرێی پیشكه‌فت بۆ بیردۆزا پیلانگیریێ كو ئارمانجا وێ ده‌وله‌ت هه‌می یه، پشتی كو ئه‌و حزب بووینه ده‌وله‌ت ب هه‌می پێكهاتێن خوه‌ڤه.
هه‌كه پیلانگێری ل سه‌ر وه‌لاتێ مه ژی هه‌با وه‌كو عیراق ئێكگرتی ل گۆر نێرینا وی كه‌سێ وه‌سا هزر دكه‌ت كو یا هه‌یی و ئه‌و یێ شه‌ڕی وێ دكه‌ت، ئه‌م ڤێ پرسێ دكه‌ین: ئه‌رێ ئه‌و كینه فاكته‌رین ڤێ پیلانگێریێ بجهدئینن؟
گرنگترین تشتێ ئه‌و ب ناڤ دكه‌ن ئمپریالی و ئستعمارا رۆژئاڤایه، یانژی لایه‌نێن ناڤخوه‌ینه ل دووڤ گێۆل گۆتنێن خوه‌نه، جار دبێژن پیلانگێری هه‌نه و جار ژی شه‌ری وێ دكه‌ن ب ئالاڤێن میدیایێ و قێژیان، ده‌مێ قه‌یران دژوار دبن دزڤره‌نه‌ڤه و هیڤیان ژ وان كه‌سان یێن دبێژنێ خودانێن پیلانگێریێ و داخوازا هاریكاری و شه‌ڕی دكه‌ن بۆ نه‌هێلانا وان و ژناڤبرنا وێ، باشه ئه‌ڤه نه تشته‌كێ سه‌یره؟! باشه هه‌كه مه گرتی كو پیلانگیری هه‌یه و ئه‌وێن هه‌ڤدژیا وێ دكه‌ن ل دووڤ دره‌وێن وان، یا باشتره كو ئه‌و شه‌ڕێ جێبه‌جێكارێن به‌ندێن وێ پیلانگێریێ بكه‌ن
و نه‌ك یێن درێسن چونكو هه‌ر چاوا بیت ناهێته بجهئینان هه‌كه ئه‌و كه‌سێن بجهدئینن ئه‌نجام نه‌ده‌ن، دیسا ژی لۆژیكا مێشكی تونه‌یه كو هه‌ر پیلانگێریه‌كا ژ ده‌رڤه یان ژ ناڤخوه دا بهێته كرن ژناڤ ببه‌ت، لێ هه‌ڤگرتنا نشتیمانی و ئێكبوون د ناڤبه‌را كوڕێن گه‌لی و پێكهاتێن وی یێن ئه‌تنی و مه‌زهه‌بگه‌ری دا، شێوازه‌كێ به‌سه بۆ نه‌هێلانا هه‌ر پێلانگێریه‌كێ و نه‌ك ژێكڤه‌بوون و ده‌رز ز تائیفه‌گه‌ری، فه‌ره ل سه‌ر هه‌میان تێیبگه‌هن كو جیهان ئه‌ڤرۆ بوویه گونده‌كێ بچووگ ژ به‌ر وان شێوازێن گه‌هاندنێ و پێشكه‌فتنا ته‌كنۆلۆجی و سه‌روه‌ریا قانوونا نێڤده‌ولی فه‌ره ل سه‌ر هه‌می وه‌لاتان كوتشتێ پاراستنا وه‌لاتیان بكه‌ت ب هه‌می ته‌خ و پێكهاتێن خوه‌ڤه هه‌كه هنده‌ك ژ وه‌لاتان پێ رازی ببن یانژی رازی نه‌بن، له‌ورا فه‌ره ل سه‌ر ده‌سهه‌لاتداران و سیاسته‌مه‌داران هه‌كه ده‌سهه‌لاتدارێن دروستكرنا ته‌شریعاتان بن كو ب گونجن ل گۆر قانوونا ده‌ولی بۆ پاراستنا وه‌لاتیێن خوه و به‌رژه‌وه‌ندیین نێڤده‌ولی، د ئه‌نجامدا ژی ئاڤاكرنا په‌یوه‌ندیێن هه‌ڤسه‌نگ ل گه‌ل وه‌لاتان كو خوه دوور بێخن ژ باندۆرێن نه‌رێنی یێن هه‌ڤدژیێن سیاسی د ناڤبه‌را وان دا كو ژ شه‌ران دووربكه‌ڤن و سامانان بهه‌ده‌ر مه‌زێخن و وه‌زیێن به‌شه‌ری كو ب رۆلێ خوه ئه‌و ژی هه‌می په‌یكه‌رێ ده‌وله‌تی و وه‌لاتی ماندی بكه‌ت.
سه‌ره‌رای سه‌ركه‌فتنا عیراقێ ب ره‌نگه‌كێ لاوه‌كی ب گوهۆرینا دیمۆكراتی، لێ چو گوهۆرینێن گه‌وهه‌ری یێن راست نه‌هاتنه روودان، پرانیا سیسته‌مێن جهگیر یێن پشتی گوهۆرینێ حوكم كرین هه‌مان گۆتارا سیاسی یا كه‌ڤنار ده‌ستپێشخه‌ر كربوو، ئه‌وا دخوازا ته‌حمولا ره‌وشا تێكدایی دكه‌ت ب به‌هانا خوه ڤالاكرن بۆ شه‌ڕی گرنگتر ئه‌و ژی راوه‌ستان ل به‌ر سینگێ پیلانگێریێ كو دهێته هه‌ژمارتن وه‌كو سیهوانه‌ك بۆ راگرتنا هه‌می شاشیان.
