دورپێچا وه‌رزشی ل سه‌ر ئیراقێ هاته راكرن
ئه‌ڤرۆ،
وه‌زیرێ وه‌رزش و لاوان و سه‌رۆكێ ئێكه‌تیا ته‌پا پێی یا ئیراقێ عه‌دنان درجال راگه‌هاند كو ئێكه‌تیا نێڤده‌وله‌تی فیفا بڕیارا دا دوورپێچا وه‌رزشی ل سه‌ر یاریگه‌هێن ئیراقێ بهێته ڕاكرن پشتی بۆ ماوێ 21 سالان هاتیه سه‌پاندن و پێنگاڤا ئێكێ دێ هه‌لبژارتیێ ئیراقێ ل یاریگه‌ها مه‌دینه ل باژێرێ به‌غدا مێڤانداریا هه‌لبژارتیێ ئیماراتێ كه‌ت ژ چارچووڤێ ڤاڤارتنێن مۆندیالا 2022ێ.
د كۆنگره‌یه‌كێ رۆژنامه‌ڤانی دا عه‌دنان درجال دیاركر كو پشتی یاریگه‌هێن شه‌هید فرانسۆ حه‌ریری ل هه‌ولێرا پایته‌خت و یاریگه‌هێن به‌سرا و كه‌ربه‌لا شیاین چه‌ندین جاران مێڤانداریا قاره‌مانیێن جودا بكه‌ن و هه‌روه‌سا پشته‌ڤانیا سه‌رۆك وه‌زیران مسته‌فا كازمی و هه‌ر ئێك ژ ئێكه‌تیێن ئاسیا و عه‌ره‌بی و كه‌نداڤی شیاین خه‌ونا 21 سالان بجه بینن و جه‌ماوه‌رێ خوه كه‌یفخۆشبكه‌ین و یاریا ل گه‌ل ئیماراتێ دێ بیته كه‌رنه‌ڤاله‌كێ مه‌زن كو دێ بزاڤێ كه‌ین سه‌رۆكێ فیفا و ئاسیا و چه‌ند مه‌زنه به‌رپرسێن وه‌رزشی ل جیهانێ و عه‌ره‌بی داخوازكه‌ین.
