دورێن 60 ھزار سەرێن تەرش و تەوالی ل بارزان ھەنە و چو پشتەڤانی بۆ نەھاتیەکرن
ئەڤرۆ نیوز، نەوزاد ھلۆری:
دەڤەرا بارزان ئێکە ژ وان دەڤەرێن چیایی کو پیش و پاوانەکێ زور ھەیە و زەنگینترین جھە بو ب خودانکرنا تەرش و تەوالی و بویە سەدەم کو تەرش و تەوال لێ بھێنەخودانکرن ، بەلێ ژ ئالیەکی َدنڤە حکومەتا ھەرێما کوردستانی َچوو پشتەڤانی بو جوتیاران نەکرینە.
مەریوان عەلی ئێکە ژ وەلاتیێن خودان تەرش و تەوال ل دەڤەرێ دیارکر کو ھەموو خزمەتا تەرش و تەوالێ وی لسەر کیسێ وی یە و بۆ ئەڤرۆ نیوز گۆت : (خودانکرنا تەرش و تەوالی ل ڤی سەرەمی گەلەکا ب زەحمەت و چەندین ئاستەنگ د کەڤنە د رێیا جوتیاری دا ھەر ژ خودانکرنا وان ھەیا فروتنا بەرھەمێن وان).
جوتیارێ ناڤھاتی زێدەتر گۆت : (سالانە ئەز بەرھەمێ شیر و ماست و پەنیر و ھوری چەندین بەرھەمێن دن د فروشم ، بەلێ ب ئەرزانی و ئەگەرا ڤێ یەکێ ژی پرانیا بەرھەمێن من گوتی ل وەلاتێن دەوروبەر دھێنە دناڤ ھەرێما کوردستانێ ، ژ بەرڤێ دخوزین کو حکومەت پشتەڤانیا مە بکەت داکو ئەم ژی بکارین بەردەوام بین).
تاھیر سلێمان ژی ئێکە ژ خودانکەرێن پرۆژەکێ چێلا دبێژیت : (ل دەسپێکا پایزێ و ھەتا بوھارێ ھەموو چێلێن مە دڤێت د کوڤێن خوە ڤە بھێنە خودانکرن و ئەڤ یەک ژی پێدڤی ب مەزاختنەکا زورە بو دابینکرنا پێدڤیێن وان ژ خوارن و دەرمانان ، ھەیا نھا حکومەتا ھەرێما کوردستانێ تەلیسەکێ عەلەفیش کو کێمترین ھەڤکاری یە نەدایەمە ، ژ بەرڤێ دبێژم گەلو ھەڤکاریا حکومەتێ بو جوتیاران د کیرێ دایە ئەگەر کێمترین ھەڤکاریی َنەکەتن سەرەرایی کو رێگرە ل ھەمبەر فروتنا بەرھەمێن وان ژی).
ژلایێ خوڤە محەمەد مێرگەسووری رێڤەبەرێ چاندنا قەزا مێرگەسوور دیارکر کو نھا دورێن 60 ھزار سەرێن تەرش و تەوالی ل دەڤەرا بارزان ھەنە و بۆ ئەڤرۆ نیوز گۆت : (ب خودانکرنا تەرش و تەوالی ل دەڤەرا بارزان پتر بو مەرەمێن دابینکرنا پێدڤیێن خێزانێ ب خوە یە و کو ئەو ژی لسەر پیش و پاوانی و بەری و گیایێ بوھاران دھێتە ب خودانکرن و ھندەک ژی ب شێوازێ پرۆژە دھێنە ب خودانکرن بەلێ ئەو ژی گەلەکا کێمە و بێگومان ئەڤ یەک ژی دزڤریت کو حکومەتا ھەرێما کوردستانی َھەیا نھا وەکو پێدڤی پشتەڤانی بو جوتیارێن دەڤەرێ نەکرینە).
مێرگەسووری زێدەتر گۆت : (ھندەک پرۆژە ل دەڤەرێ ھەنە و بەرھەمێن وان وەکو ماست و شیر و ھوری بو کارگەھێن ھەولێرێ دھێنە ھنارتن و ھندەک ژی ھەر دناڤ خوەدا دھێنە فروتن و سەرەرایی کو چو پشتەڤانی بو نەھاتینەکرن ، نھا مە چەند بەرنامە ل بەرن بو درۆستکرنا پرۆژێن تەرش و تەوالی و دانا قەرێن چاندنێ بو جوتیاران و دابینکرنا پێدڤیێن جوتیاران د وارێ خودانکرنا تەرش و تەوالی دا ، و ئەگەر ئەڤ یەک بھێنەکرن دێ رەوشا ب خودانکرنا تەرش و تەوالی بەر ب باشیێ چیتن و جوتیاران ژی گازندە نابن و پێدڤیێن بازار و وەلاتیان ژی دێ ھێنە دابینکرن).
