دوسەد قوتابی ل ئیرانێ هاتینە کوشتن
پەیڤدارێ رێکخستنا پیشەیی یا مامۆستایان ل ئیرانێ دیار کریە، د خوەنیشادانێن ڤێ دووماهیێ ل ئیرانێ دا پتر ژ دوسەد قۆتابی هاتینە کوشتن و گەلەک قۆتابی ژی بریندارن و هەروەسا ب سەدان قۆتابی هاتینە دەستەسەر کرن و چارەنڤیسێ وان کەسان دیار نینە.
ئەو یەک د دەمەکێ دایە کو بەری چەند رۆژان رێکخستنا مافێن مرۆڤی یا رۆژهەلاتێ کوردستانێ ژی دیار کربوو د خوەنیشادانێن ڤێ دووماهیێ ل ئیرانێ دا گەلەک قۆتابی هاتینە کوشتن و دەولەتا ئیرانێ ب هەموو رەنگەکێ کار دکەت دا هژمارا دروست یا کوشتی و برینداران بەلاڤ نەبیت، چونکی هژمارەک زێدە قۆتابی هاتینە کوشتن و گەلەک قۆتابی ژی بریندارن و هەروەسا چەند هزار قۆتابی ژی هاتینە دەستەسەر کرن و گەف ل خێزان و کەسوکارێن وان ژی هاتیە کرن کو نابیت سەبارەت ب قۆتابیان ل گەل سازی و دەزگەهێن راگەهاندنێ یێن دەرڤەیی ئیرانێ بئاخڤن و هەر کەسەک کارەک وەسا بکەت دێ ب توندی هێتە سزا دان.
