دوكیۆدرامایەك ل سەر ژیانا (مەلایێ گەورە) بەرهەمئینایە
زنار تۆڤی:
دوكیۆدرامایا ژیانا (مەلایێ گەورە) كو بەحسێ قوناغێن جودا یێن ژیانا وی دكەت و ژ دەرهێنانا (مەهدی حەسەن) ی، هاتیە بەرهەمهێنان، دەرهینەرێ وێ دۆكیۆدرامایێ بەحسێ قوناغا زارۆكینیێ هەتا مەزنبوون و وەغەركرنا وی دكەت، كو وی ب هەستەكێ نەتەوایەتی كارێ خۆ كریە و كەسەكێ كوردپەروەر بوویە.
مەهدی حەسەن، دەرهێنەرێ وێ دۆكیۆدرامایێ، بۆ رۆژنامەیا دبێژیت: د ڤێ دۆكیۆدرامایێ دا، مە چەندین هەڤپەیڤین ئەنجام داینە، پاشی ژیانا مەلایێ گەورە جارەكا دی هاتیە وێنەكرن، ژ زارۆكینیێ هەتا دبیتە مەلا و هەتا مرنا وی، مە هەموو ئەو قوناغە د ڤی بەرهەمی دا بەحسكرینە. هەروەسا دبێژیت: مەلایێ گەورە ژیانا خۆ دا د چەندین قوناغان دا دەرباز كرییە، دەمێ بوویە مامۆستا، پەیوەندییەكا گەلەك باش ل گەل ئوسمانی و ئینگلیزان هەبوویە، هەموو ژی د بەرژەوەندییا كوردان دا ب كارئیناینە، ئەم وێ چەندێ نیشا ددەین كو ئینگلیز دچنە دەف مەلایێ گەورە و داخوازێ ژێ دكەن كو ل گەل شێخ مەحموودی باخڤیت دا ببیتە لایەنگرێ وان، ئەو ژی د بەرسڤێ دا دبێژیتە وان: هەكە وە تشتەك بۆ كوردان كربا، ب پشتراستی ڤە دا شێخ مەحموود دا ل گەل هەوە بیت و وی بەرگری ژ كوردان و شێخ مەحموودی كریە و مەلایێ گەورە دچیتە دەف ئوسمانییان و داخوازێ ژێ دكەت كو ل كۆیە قوتابخانەك بهێتە ڤەكرن، وان ژی قوتابخانەیەك ل كۆیە ڤەكر و ئەو ب خۆ ئیكەم كەس بوو كچا خۆ هنارتیە وێ قوتابخانەیێ كو هەموو قوتابیێن وی كور بوون، ئەڤە ژی دادپەروەری و یەكسانیێ ل دەف مەلایێ گەورە نیشا ددەت، وی رێزەكا تایبەت ل مەسیحی جوهییێن وی سەردەمی گرتیە ل كۆیە ل دەف وان روونشتیە، كۆمەلەكا ئەكتەران رۆل تیدا گێرایە، بڕیارە د مەها رەمەزانێ دا بهێتە نیشادان.
