دوندرمە ھژمارەکا زیانا ل ساخلەمیا مرۆڤی دکەت
ئه‌ڤرۆ نيوز:
دوندرمە و تەزیاتی و ئایس کریم پێکھاتینە ژ ( ئاڤ، شیر، کالسیوم، ھندەک بۆیاغ و تام وەکو تامێن شکولاتا و فێقی) و ژ مفایێن دوندرمەیان بۆ زارۆیان ب گشتی پێکھاتینە کو زارۆ خوشیێ ژ خوارنا وان دبینن و ل دەمێ گەرماتیێ ھەست ب تەزیبوونێ دکەن و مفایەکێ خوارنێ ژی ھەیە ژبەرکو شیر و ھندەک ژێدەرێن دیتر دناڤدانە.
بەلێ ل گەل ڤێ چەندێ ژی ھندەک کارتێکرن و زیان ژی ھەنە ژوانژی: گەلەک خوارنا جورێن کو د تویر بن و کریم و نیڤشک دناڤدا ھەبن دبنە ئەگەرێ دانا ھێزەکا زێدە و پاشی قەلەویێ پەیدادکەن، ھەروەسان ل دەڤ ھندەک کەسان سەرئێشان پەیدادبیت دەمێ کو دوندرمە دگەھیتە پانیا دەڤێ وان و رەنگە ئەو سەرئێشان بۆ دەمەکێ کورت ڤەکێشیت و ئەو بخو نەمینیت، دیسان ئەو زارۆیێن ھەستداری ب شیری ھەبیت دێ بیتە ئەگەر کو ھەستداریا وان دژوارتر لێ بھێت، و ھەکە ب رێیەکا ساخلەم نەھاتبنە ئامادەکرن دێ بنە ئەگەرێ پەیداکرنا زکچوونێ، و دیسان ھەکە دونیا یا گەرم بیت و بھێنە خوارن دبنە ئەگەرێ ئێشانا سینگی و پەیداکرنا فرکێ د سوریلانچکێ دا و ھەروەسان ھەودانا بەلاعیمان پەیدادکەن.
یا باشتر ئەوە ھەر حەفتیێ دو جاران بھێنە خوارن و ھەکە زارۆی گەلەک حەز ل سەر ھەبیت رۆژانە باشترە کێمەکێ بخووت و ب مەرجەکی کو راھێنانێن وەرزشی وەکو ھاژووتنا پایسکلێ و مەلەڤانیان بکەت داکو کارتێکرن لێ نەبیت. و ھندەک تشت ھەنە وەکو شوونگر بۆ دوندرمە و تەزیاتیان دھێنە ب کارئینان ژوانژی فێقێی سروشتی یێ جەمەدگرتی و موزێن جەمەدگرتی و تری کو زارۆ دشێت ل شوونا وان ب کاربینیت.
