دونیا به‌رواری و عه‌بدولقهار زاخۆیی دێ چ كار پێكڤه كه‌ن؟
ئه‌ڤرۆ، هه‌رهین محه‌مه‌د:
سترانبێژا گه‌نج دونیا به‌رواری د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ دیاركر كو نوكه ئه‌و مژوولی چێكرنا كلیپه‌كێ یه ب ناڤێ (خه‌مگینم) ژ په‌یڤ و ئاوازێن هونه‌رمه‌ند (عه‌بدولقهار زاخۆیی) و گۆت: “ئه‌ڤ سترانه ب پشته‌ڤانیا (عادل حاجی زاخۆیی) دێ ل (تون ستودیۆ) هێته تۆماركرن و ته‌له‌ڤزیۆنا (دهۆك) دێ ب كارێ كلیپكرنا ڤێ سترانێ رابیت”.
ناڤهاتیێ زێده‌تر ژی گۆت: هونه‌رمه‌ند (سه‌لام یوسف)ی داخوازا دو سترانێن دوقۆلی ژ من كریه، به‌لێ هه‌تا نوكه ده‌رفه‌ت په‌یدانه‌بوویه ڤی كاری بكه‌ین و ل هه‌یاما بۆری ژی من و هونه‌رمه‌ند (سه‌میر زاخۆیی) سترانه‌كا دوقۆلی پێكڤه گۆتبوو و گه‌له‌ك هونه‌رمه‌ند ڤێ داخوازێ ژ من دكه‌ن، به‌لێ هێشتا ده‌رفه‌ت بۆ من په‌یدانه‌بوویه و هه‌تا نوكه چ هونه‌رمه‌ندێن كور د هزرا من دا نینن كو داخبارێ ده‌نگێ وی بم و بێژم خوزی من سترانه‌ك ل گه‌ل گۆتبا.
دونیایێ گۆت: من هه‌موو ژیان و ده‌مێ خوه دایه سترانێ، به‌لێ سترانێ ژی ناڤه‌ك و بهایه‌ك دایه من و هنده‌ك سترانێن هونه‌رمه‌ندێن نه‌مر من نووكرن هه‌ر چه‌نده كه‌س نه‌شێت وه‌كو خودانێ سترانێ سترانێ بێژیت، به‌لێ ئه‌ز یا ژ خوه و ده‌نگێ خوه رازی مه و من ل دووڤ شیانێن خوه سترانا گولبهارێ گۆتینه.
