دونیا یا لپێش چاڤێت من ڕەش بووی
ئه‌ڤرۆ نيوز:
کچەکا ٢٣ سالی بۆ گوشا دلێ خوە ڤەکە دبێژیت: من و گەنجەکێ حەز ژ ئێکدو دکر، بەلێ مالا مە د رازی نەبون من بدەنێ، چونکی دەرکەفت کەسەکێ بکێر نەھاتی و ژبەرکو خێزانا من د رازی نەبون و من ژی زانی کەسەکێ باش نینە من گوھداریا خێزانا خوە کر و شوی پێ نەکر و خوە ژێ دور کر، بەس نوکە ژی ئەو گەنجە بەلا خوە ژ من ڤەناکەت سەرەرای من ئەو نوکە نەڤێت و ژبەر وی دونیا یا لپێش چاڤێت من ڕەش بوی و ژیانا خوە ھەموو ب نەخوشی من یا بوراندی و دلێ من گەلەک یێ شکەستیە و یێ وەلمن ھاتی دلێ من یێ ژ خێزانا من رەش بوی و من نەڤێت ئەز وان بینم و حەتا دلێ من یێ ژمن بخوە ژی رەش بوی ھەرچەندە مالا من گەلەک حەز ژ من دکەن بەس ئەز نزانم بوچی وەلمن ھاتیە ھەروەسا تشتێ ئەز پێ دئێشم بو من ئەوە ھەکو ئەز دئاخڤم بەحسێ وی دکەن و ئەڤ چەندە یا بو من نەخوشە ئەڤجا ھیڤیدارم ھوون چ دبێژن و ئەز چ بکەم ؟
کچا ھێژا :
ل دەستپێکێ ھەول بدە دیتن و ھزرێن خوە لسەر خوە و خێزانێ راستڤە کە ژبەر ئەو کارتێکرنێ ل دیتن و رەفتارێن تە دکەن لەوما ئەو بوچونێن شاش لدەف پەیدا بوینە و بزانە تە و خێزانا تە کارێ دروست یێ کری ژبەر دروستکرنا خێزانێ دگەل کەسەکێ خراب ئاریشەکا مەزنە و ھندا بونا ژیێ تە بو، ئەڤجا بو ڤان بابەتا لایێ عەقلی پتر بکار بینە ژلایێ سوزی دا پەشیمانیا بێ مفا دوڤدا نەھێت و بابەتی بکارەکێ سروشتی وەربگرە و ژیان یا پرە ژ کارێن شاش و یێن دروست مروڤ بکەت بەلێ دڤێت شاشی ببنە وانە دا دوبارە نەبن و دروستیا ھەول بدەت باشتر لێ بکەت و دوبارە بکەت و نابیت ئەو شاشی ببنە ئەگەرێ تێکچونا ژیانا مروڤی ئەگەر خودان کەسایەتیا بھێز بیت و بزانە زوربەیا کەسان توشی ڤان جورە کارا بوینە لەوما یا فەرە تو پتر باوەریێ بدەیە خوە و پێناگاڤێن موکمتر پاڤێژی دئایندە دا و وێرەکانە سەرەدەریێ دگەل بابەتی بکە و وی گەنجی براوستینە و دور بێخە ژ ژیانا خوە و ڤەگەرە سەرەدەریا دروست دگەل خێزانا خوە بکە و بچاڤێن گەشبینیێ تەماشای خوە و شیانێن خوە بکە و بزانە روژێن بھێت دێ پڕ بن ژ کارێن خۆش بو تە وخێزانا تە .